16 Сәуір, 2011

Қоғамның қозғаушы күші

681 рет
көрсетілді
1 мин
оқу үшін
Құрметті әріптестер! Сіздерді Қазақстан ғылымы күнімен шын жүректен құт­тық­таймыз! Таным рухы мен тыңғылықты шығармашылық ізденіс  қарыштап алға өрлеудің қозғаушы күштері болып табылады. Біз қазақстандық қоғамның әлеуметтік-экономикалық, мәдени және рухани дамуына өздерінің лайықты үлесін қосып отырған республика ғалымдарын мақтан тұтамыз. Ғылым алдында мемлекеттік үдемелі индустриялық-иннова­ция­лық даму бағдарламасын іске асыру, технологиялық жаңғы­р­туға ықпал ету міндеттері қойылған. Бүгінде қазақстандық ғалымдар кез келген қызмет саласының барынша бастамашыл әрі белсенді бөлігі деп саналса, олардың жаңашыл идеялары экономика мен гуманитарлық саланы бай­ы­ту­ға, халық тұрмысы сапасының үздіксіз өсуі жолына қызмет атқарады. Біз ғалым кәсібінің абыройын арттыру, талантты жастарды ғылымға тарту үшін жағдайлар жасау, қазіргі заманғы зерттеу зертханаларымен қамтамасыз ету саясатын әрі қарай жал­ғас­тырамыз. Қазақстан Республикасының Президенті Н.Ә. Назарбаевтың ел ғалымдарының алдына қойған міндеттерін жұмыла шешетінімізге сенімдіміз. Ғылыми қауымдастықтың барлық өкілдеріне шығар­ма­шылық табыстар, ауқымды ғылыми ой өріс, мықты денсаулық пен игі жақсылықтар тілейміз! Қазақстан Республикасы Білім және ғылым министрлігі.