Қазақстандық боксшы осы айқас үшін 2,5 миллион доллар алса, Дэниел Джейкобсқа 1,75 миллион доллар көлемінде беріледі. Бұл жекпе-жекті HBO телеарнасы ақылы түрде (РРV) көрсететін болады. Сонымен қатар, РРV жүйесі бойынша түсетін қаржының да бір мөлшері боксшыларға тиесілі.
Қос боксшы кеше айқас алдындағы соңғы салмақ өлшеу рәсімінен өтті. Геннадий Головкин қарсыласынан 9 грамм жеңіл болып шықты. Отандасымыздың салмағы 159,6 фунт (72,39 кг) болса, Дэниел Джейкобстың салмағы 159,8 фунт (72,48 кг) болды.
Айта кетейік, Геннадий Головкин мен Дэниел Джейкобс арасындағы жекпе-жек 18 наурыз күні Нью-Йорктегі Madison Square Garden аренасында өтеді. Елімізде бұл бокс кешін «Қазақстан» мен «KazSport» телеарналары тікелей эфирден көрсетеді.
