Пасха мерекесімен құттықтады

Қазақстан Республикасының Президенті Нұрсұлтан Назарбаев барша қазақстандықтарды Пасха мерекесімен құт­тық­тады. Мемлекет басшысының құттықтауында былай делінген: Құрметті қазақстандықтар, сіз­дерді Пасха жарқын мерекесімен құттықтаймын! Бүгін оны барша қазақстандықтар атап өту­де. Қазақстан – көпэтносты және көпконфессиялы ел. Біздің басты байлығымыз – халықтар мен діндер арасындағы бейбітшілік пен келісім. Бізде Наурыз, Құр­бан айт, Рождество, Ораза айт, Пас­ханы бірге қарсы алу бұ­рын­нан жақсы дәстүрге айналған. Қа­зақстан жерінде барлық этнос­тардың мәдениеті гүлденуде және бір-бірін байыта түсіп отыр. Қазақстан басшысы, сондай-ақ бүгінгі мереке күні біздің қо­ғам­дағы моральдық қағидалар мен отбасылық құндылықтарды ны­ғай­тудағы діннің зор жасам­паз­дық рөлін атап өтеді. Біздің бірлігіміз төзімділікке, адамды сүюге, қайырымдылыққа шақыратын жоғары адамгершілік мұраттарға негізделген, дейді Президент. Тәуелсіздіктің 20 жылында біз­дің бірлігіміз бен топтас­қан­ды­ғымыздың арқасында біз өр­кендеген Қазақстанды құрдық. Және бүгінде біздің респуб­ли­камыз тұрақтылықтың, бейбітшілік сүйгіштіктің және келісімнің үлгісі болып табылады. Бүкіл әлем біздің еліміздің өркендеген әлеуетін көруде және Қа­зақ­стан­ның әлемдік қоғамдастықтағы маңызды және жауапты рөлін мойындайды, дейді Мемлекет басшысы. Мемлекет басшысы, соны­мен қатар, біздің ортақ пары­зы­мыз, Қазақстанды сүйген әрбі­рі­міздің парызымыз – рухани және мәдени құнды­лық­тарды сақтау, елімізде халық­тың бірлігі мен тұрақтылықты аялай білу және нығайту екенін атап көр­се­теді. Және осы жар­қын мереке күні баршаға мықты денсау­лық, игілік және құт-береке тілейді. Әр шаңы­рақта, біздің ор­тақ үйіміз – Қазақстан Рес­пуб­лика­сында бей­бітшілік пен ты­ныш­тық салтанат құр­сын! Ме­реке­лері­ңізбен, қымбат­ты отан­дас­та­рым!   – дейді құт­тықтауы­ның со­ңында Нұрсұл­тан Назарбаев.