Оған «Атамекен» ҰКП басқарма төрағасының орынбасары Рүстем Жүрсінов, Ұлттық эко- номика министрлігі жанындағы «Экономикалық зерттеулер институты» АҚ салалық сарапта- ма орталығының директорлары Айжан Төлепбекова мен Динара Ақынбекова қатысты.
Жиында Рүстем Жүрсінов «Іскерлік ахуал-2016» зерттеуі Қазақстандағы кәсіпкерлікті да- мыту мен бизнесті жақсартуға мүмкіндік беретінін атап өтті.
– Әлеуметтік зерттеуді «Атамекен» Ұлттық кәсіпкерлер палатасының тапсырысымен Ұлттық экономика министрлігінің жанындағы Экономикалық зерттеулер институты жүргізді. Сауалнамаға 2016 жылы 4100 респондент-кәсіпкер қатысты, бұл көрсеткіш 2015 жылмен салыстырғанда 2 есе көп, – деді Р.Жүрсінов.
Динара Ақынбекованың айтуынша, зерттеудің мақсаты Қазақстандағы іскерлік ахуалдың жағдайын зерттеу, кәсіпкерлікті дамыту үшін жақсы жағдай жасалған немесе жағдайы жоқ облыстарды анықтау болды.
– Рейтинг аясында әкімшілік реттеу, мемлекеттің бизнесті қолдауы, жылжымайтын мүлік пен инфрақұрылым, адам ресурсы, қаржылық ресурс, сондай- ақ, сыбайлас жемқорлық пен көлеңкелі экономика деңгейі секілді көрсеткіштер ескерілді, – деп атап өтті Айжан Төлепбекова.
Оның айтуынша, зерттеудің қорытындысы Алматы қаласында кәсіпкерлікті дамытуға анағұрлым жақсы жағдай жасалғанын көрсеткен.
– 2015 жылғы көрсеткішпен салыстырғанда Алматы екі тармаққа жоғары көтеріліп, Астана қаласын екінші орынға түсірді. Сонымен қатар, Оңтүстік Қазақстан облысы үшінші орынды иеленген. Бұл облыс 2015 жылғы көрсеткішін үш сатыға жақсартқан. Рейтингті аяқтайтын өңірлер қатарында Солтүстік Қазақстан, Қостанай және Қызылорда облы- стары бар, – деді ол.
Сауалнамаға қатысушылар кеден органдарында, экономикалық зерттеу қызметі мен көлік инспекциясында сыбайлас жемқорлық деңгейі жоғары деп көрсеткен. Оның ішінде сыбай- лас жемқорлық деңгейі Жамбыл, Қостанай, Батыс Қазақстан облыстарында жоғары деп танылған.
Сонымен бірге, сыбайлас жемқорлыққа қарсы бағдарламалардың тиімділігіне де баға берілді. Зерттеу барысында мемлекеттік органдардың жұмысы да бағаланды. Кәсіпкерлердің мемлекеттік қолдау туралы ақпарат алуы 2015 жылмен салыстырғанда 1,5 есеге артқан, ал «Бизнестің жол картасы-2020» бағдарламасына қатысушылар үлесі 4,8 пайызға өскен.
Сараптама бойынша мемлекеттік органдардың тиімді жұмысына кедергі келтіретін негізгі мәселелер анықталды, оның ішінде респонденттердің 29,53 пайызы құжаттарды қарау мерзімінің ұзақтығы мен қағазбастылықты көрсеткен. Сондай-ақ, сауалнамаға қатысушылардың 14,75 пайызы қызметкерлер біліктілігінің төмендігін атаған.
Ал Д.Ақынбекованың айтуынша, маман мәселесіне қатысты сауалнамада кәсіпкерлердің барлығы өз ісімен айналысу үшін баспана мәселесін алға тартқан. Одан кейін медициналық қызмет пен әлеуметтік инфрақұрылымның жақсы болуын атап көрсеткен. Сол сияқты, қауіпсіздік пен құқықтық тәртіпке көп көңіл бөлген.
Дастан КЕНЖАЛИН,
«Егемен Қазақстан»
