"Қызыл жалынмен үш сағаттай арпалыстық. Толығымен сөндірдiк деп айта алмаймыз. Кейбiр тұстар қайтадан тұтануы да мүмкін. Сондықтан кезекшілік қойып, бақылауда ұстайтын боламыз", - дейді Өскемен қалалық N 3 өрт сөндіру бөлімі басшысының орынбасары Павел Ларионов. Өрттi сөндіруге 5 автоцистерна, 1 орман техникасы мен жеке құрамының 20 адамы жұмылдырылыпты.
Облыстық төтенше жағдай департаментінің баспасөз қызметінің таратқан мәліметтеріне сүйенсек, қызыл жалын 20 гектар жерді жайпап өтіпті.
Азамат Қасым,
"Егемен Қазақстан"
Өскемен
