
Тасқын су аймақтағы елді мекендерде орналасқан 36 үй мен аулаларға жайылған болатын. Апатты жағдайдың алдын алу мен шұғыл ұйымдастыру жұмыстары дер кезінде жүргізілгендіктен, бүгінде тұрғындар өз үйлеріне орала бастады.
Жалпы, өңірде соңғы кездері күн күрт жылып, қардың еруі жеделдеген. Соның салдарынан Жамбыл ауылына тасқын қаупі төніп тұр. Еріген қар суы мұнда 22 үй мен аула ішін басып қалды. Ағын су, сондай-ақ, 4 өткізу каналының 200 метрдей тұсын жарып өткен. Қазір су сору және оны қауіпсіз жермен ағызу жұмыстары жалғасуда.
Жергілікті тұрғындарды алдын ала хабарландыру мен қауіп-
сіз жерге көшіру жұмыстары да уақтылы жүргізіліп, орын алуы мүмкін қауіп-қатер көлемі азайды. Бүгінде су басқан аймақтарда төтенше жағдайлар жөніндегі құрылымдардың мамандары мен жергілікті жердің полицейлері, тиісті мекемелердің өкілдері қауіпсіздік шараларына жұмылдырылған.
Кеше Қостанай облысының аумағына Жамбыл облысының жедел-құтқару қызметі көмекке келгендігін де айта кетейік.
Нәзира ЖӘРІМБЕТОВА,
«Егемен Қазақстан»
Қостанай облысы