Еліміздің Негізгі Заңында Омбудсменнің мәртебесін орнықтыру тұрғысында адам құқықтарын қорғау және көтермелеумен айналысатын (Париж қағидалары) ұлттық мекемелердің мәртебесіне қатысты оның принциптеріне толық сәйкес келетін, Омбудсмен институтының елеулі ілгерілеуіне отырысқа қатысушылар ерекше мән берді.
Сараптамалық кеңестің мүшелері Адам құқықтары жөніндегі уәкілдің қызметі мен нормативтік-құқықтық базасын «Қазақстан Республикасының заңына өзгерістер мен толықтырулар енгізу туралы» Заң нормаларына сәйкес келтірудің негізгі аспектілерін талқылады. Отырысқа қатысушылар, сондай-ақ, Қазақстандағы Адам құқықтары жөніндегі уәкіл өз қызметінде адам құқықтары мен бостандықтарын қорғау, қалпына келтіру және насихаттаудың тиімді тетігі ретінде мемлекеттің заңды құрылымында маңызды орынға ие екенін атап өтті. Бұл ретте, Омбудсмен қызметін реттейтін нормативтік-құқықтық базаны нығайту адам құқықтары саласындағы халықаралық үдерістерге толыққанды қатысуға мүмкіндік береді.
Жұмыс қорытындысы бойынша Сараптамалық кеңес мүшелері мүдделі мемлекеттік органдарға жіберілетін нормативтік-құқықтық базаны жақсарту жөнінде ұсыныстар пакетін әзірледі, деп хабарлады Қазақстан Республикасындағы Адам құқықтары жөніндегі уәкілдің баспасөз қызметі.
