Король мен Әмірдің қабылдауларында болды

Эр-Рияд қаласында Сауд Арабия­сы­ның Королі Салман бен Әб­дел Әзиз Қазақстан Респуб­ли­ка­сы­ның Сыртқы істер министрі Қайрат Әбдірахмановты қа­былдады. Сыртқы істер министрі Сауд Арабиясы Короліне 2017 жыл­ғы 10-11 қыркүйекте Астана қа­ласында өтетін тарихтағы ал­ғаш Ис­лам Ынтымақтастығы Ұйымы­ның ғы­лым және технологиялар бой­ын­ша саммитіне Қазақстан Рес­пуб­ли­касының Президенті Нұрсұлтан Назарбаевтың шақыру хатын табыс етті. Қазақстандық дипломаттың сө­зі­не сүйенсек, Корольдің Ислам әлем­і­н­дегі ең ірі мемлекеттердің бірі­нің бас­шысы ретінде саммитке қатысуы оның табысты өтуіне маңызды үлес қосады.

Өз кезегінде, Сауд Арабиясының Ко­ролі шақыруға алғысын білдіре отырып, оны мұқият қарастыратындығына уә­де берді. Оның айтуынша, Сауд Ара­­биясы Қазақстанды жақын әрі маңызды мемлекет ретінде қарас­ты­ра­ды және екіжақты қарым-қатынасты да­мыту мен нығайту қажет деп санай­ды.

Монарх Сирияда бейбітшілік пен қау­іпсіздік орнатуда Астана про­це­сінің маңыздылығын айтып, аталған ба­­­ғыттағы Қазақстан Республикасы бас­шысының үлкен үлесін айтып өтті.

Өз кезегінде министр Қазақстан та­рапының Эр-Риядпен өзара тиімді ын­тымақтастықты нығайтуға деген ұмтылысын айтып, Елбасының халық­ара­­лық бастамалары мен мемлекеттің әлеуметтік-экономикалық да­муын­да­ғы маңызды жобаларды қолдағаны, Астана қаласының құрылысы мен ал­дағы ЭКСПО-2017 көрмесіне қа­ты­сатыны үшін ризашылық білдірді.

Жарасымды әңгімені қорытын­ды­лай келе, Сауд Арабия­сы­ның Королі Пре­зидент Нұрсұлтан Назарбаевқа зор денсаулық, бақыт, алдағы уақытта жұмысына табыс ті­леді және барша Қазақстан халқына игі тілегін жеткізуді өтінді.

Сыртқы істер министрінің Ку­вей­т­ке сапары аясында Қай­рат Әбді­рах­мановты Кувейт Мем­ле­ке­ті­нің Әмірі шейх Сабах әл-Ахмед ас-Сабах қабылдады. Кувейт басшы­сына Астана қаласында өте­тін Ислам Ынтымақтастығы Ұйымы­ның ғылым және технологиялар жө­нін­дегі самми­тіне Қазақстан Рес­­пуб­­ликасының Президенті Нұр­сұл­тан Назарбаевтың шақыру ха­ты табысталды. Әлемде бұл Та­яу Шығыс елінің күрделі халық­ара­­лық кезеңде бітімгерлік және гу­ма­нитарлық бастамаларға саяси әрі қаржылық қолдау көрсететін кон­ст­рук­­тивті күштердің бірі ретінде қа­рас­ты­рылатындығы атап өтілді.

Әмір Қазақстан Республикасының Президенті Нұрсұлтан Назарбаевтың шақыруына ризашылығын білдірді, сонымен қатар, осындай саммиттің өтуін қолдайтындығын және оған қа­тысуға ниетті екенін хабарлады. Сондай-ақ, Кувейт Астананың бар­лық бейбіт мақсаттағы бастамаларын іске асыруда сенімді серіктес бо­латындығын жеткізуді өтінді. Екі ел бейбітшілік пен қауіпсіздікті қамт­ама­сыз ету үшін жанжалдарды әскери жол­мен емес, бейбіт бастамалар, гу­ма­нитарлық көмек, саяси процестер ар­қылы реттегенді жөн көреді.

Қайрат Әбдірахманов Кувейт Пре­мьер-министрінің орынбасары, Сыртқы істер министрі шейх Сабах әл-Халед Ас-Сабахпен келіссөз жүргізді. Жарасымды әңгіме барысында ішкі саясат және өңірлік, жаһандық аренада ашықтық, ұстамдылық, то­леранттылық принциптерін ұста­нуда екі елдің ұқсастығы атап өтілді. Бұл тұр­ғыда, тараптар Бірік­кен Ұлттар Ұй­ымы шеңберінде ынтымақтастық мә­селелерін және Кувейт мемлекетінің 2018-2019 жылдары Қауіпсіздік Ке­ңе­сіне мүше болу кандидатурасын тал­қылады.

Кувейт Сыртқы істер министр­лі­гі­нің басшысы Қазақстан Президентінің бей­бітшілік бастамасын қолдайтынын және Қазақстан елордасында өткен Сириядағы жағдайды реттеу бойынша келіссөздер процесіне ерекше мән бере отырып, халықаралық күш үшін қазіргі кездегі күрделі жанжалдарды рет­теуге байланысты Астана рөлінің маңыздылығы артып келе жатқанын атап өтті.

Қайрат Әбдірахманов өз кезегінде әріп­тесіне Кувейттің Азық-түлік қау­іп­сіздігі жөніндегі ислам ұйымы жа­р-

­ғысын алғашқы мүше мемлекеттер қатарында ратификациялағаны жә­не Қазақстанда Атом энергиясы жө­ні­н-

дегі халықаралық агенттіктің Ха­лықаралық төмен байытылған уран банкін құруда 10 млн АҚШ дол­лары көлемінде қаржылай үлес қос­қаны үшін ризашылығын білдірді. Сон­дай-ақ, Йемен қақтығысын ше­шу жо­лындағы аймақтық күшке жәр­демдесу жө­ніндегі Кувейт дип­ло­ма­тия­с­ының жұ­мысын қолдады.

Кувейт жеке бизнесінің қазақстан­дық қызмет секторына салған бірінші инвестицияларын ескеріп, тараптар екі ел арасындағы экономикалық ынты­мақ­тастықты кеңейту маңыздылығын атап өтті. Сондай-ақ, мұнай-газ сала­сы мен исламдық қаржыландыру құ­рал­дарын дамыту бойынша іскерлік қа­рым-қатынастар құрудың болашағы зор екені мәлімделді. Осыған орай, Қазақстан-Кувейт үкіметаралық ко­миссиясының 4-ші отырысына дай­ын­дық қажеттігі көлденең тартылды.

Кувейттің Араб экономикалық даму қорының гранты есебінен Аста­­наның техникалық-эко­но­ми­ка­­лық инфрақұрылымының не­гіз­де­месі әзірленді, Қазақстан Рес­пуб­ли­касы Ауыл шаруашылығы ми­нис­тр­лі­гі­нің ғимараты салынды, сон­дай-ақ, Қызылорда облысында сумен жаб­дық­тау, санитария, денсаулық сақ­тау салаларындағы бірқатар жобалар іск­е асырылғандығын айрықша атап өту қажет.

Қазақстан Республикасы Сыртқы іс­тер министрінің аталған өңірлерге сапары араб елдерімен көптеген өңірлік және жаһандық күн тәртібіндегі өзекті мә­селелер бойынша, әсіресе, Астана про­­цесі бойынша ұстанымдарды са­лы­с­тыруға мүмкіндік берді.

Кездесулер барысында 2016 жы­лы Ислам Ынтымақтастығы Ұйы­мы­ның Ыстанбұлдағы саммитінде мақ­ұл­данған «Ислам әлеміндегі татуласу» бас­тамасын іске асырудың аспектілері белсенді түрде талқыланды. Тараптар екіжақты қарым-қатынастардың, әсіресе, экономикалық дипломатия бағытындағы даму прогресін атап көрсетті.