Президент өзінің «Болашаққа бағдар: рухани жаңғыру» атты мән-маңызы жоғары мақаласында жаһандық бәсекелестікте білімнің маңызды екеніне де баса назар аударған. Сондықтан да қазақстандықтар «жұмыс күту» және «тиімді ұсыныс тосу» сияқты бұрынғы, ескірген ұстанымнан арылып, білімін тереңдету арқылы биік табыстарға өздігінен қол жеткізуі керек.
Қазіргі технологиялар еңбек нарығынан бұрын талап етілген мамандықтарды ығыстырып шығаруда. Мәселен, түрлі деңгейдегі операторлар ұмытылуға айналды. Оларды компьютерлік бағдарламалар тиімділікпен ауыстыруда. Біз өзіміздің өмірімізден «хатшы-машинистка», «киномеханик», «ТБК бақылаушысы» және т.б. сияқты мамандықтардың ұмытылғанына оншақты жыл болғанын да сезбей қалыппыз.
Тіпті, «еңбек» деген сөздің өзі «кәсіби әрекет» деген тұрақты тіркеспен ауыстырылып кетті. Ал жалданып жұмыс істеу немесе бизнес жасау қазір моно біліктіліктен поли біліктілік саласына ауысып барады.
Еңбек нарығында өзінің кәсіби біліктілігін үнемі арттыратын, іскерлік қауметін дамытатын, білімін жаңғыртатын мамандарға ғана сұраныс болады. Президенттің ұсыныстарын қолдай отырып мен де отандастарымды мамандық таңдау саласында белсенділігін арттыруға, кәсіби білігі мен білімін жаңғыртуға шақырамын. Қазір бізге ұтқырлық, белсенділік және жеке жауапкершілік категорияларымен ойлау керек, сонда ғана біз пайдалы болып, кәсіби тұрғыдан сұранысқа ие боламыз.
Ирина УНЖАКОВА,
Парламент Мәжілісінің депутаты
