Емханада елге түсіндіріліп жатыр

Осы орайда міндетті әлеуметтік медициналық сақтандыру жүйесінен күтеріміз көп. Біріншіден, денсаулық қорғау ауыртпалығын бөлісу және тұр­ғындардың өз денсаулығын ны­ғай­туға көңіл бөлуі арқылы қоғамдық ын­тымақтастыққа қол жеткізуге болады. Ам­булаториялық дәрі-дәрмектермен қам­тамасыз ету пакеті кеңейеді. Екін­ші­ден, МӘМС-тің енгізілуі жалпы тә­жірибе дәрігерлері және учаскелік дә­рі­герлер жүктемелерін кезең-кезеңімен (бір учаскедегі 2000 адамды 1500-ге дей­ін) азайтуға мүмкіндік береді. Бұл қолжетімділікті арттырып, кезекті азайтады, сәйкесінше қабылдау сапасына әсер етеді. Дәрігер әр науқасқа көбірек уақыт бөле алады. Қазіргі күні емханаларда дәрігерге электронды түрде жазылу жүзеге асырылуда. Науқастарға сапалы және жоғары деңгейлі медициналық көмек көрсету, кезексіз емхана бойынша күнделікті жұмыстар жасалуда. Бұл үрдіс МӘМС жүйесінің арқасында әрі қарай да жетілдіріледі деген сенімдеміз. Үшіншіден, қор салымшылары – сақ­тандырылған азаматтар жасына, әлеу­мет­тік мәртебесіне, тұрғылықты же­рі­не және табысына қарамастан тең дә­режеде медициналық және дәрі-дәр­мектік көмекпен қамтамасыз етілмек. Бә­секелестік дамып, медициналық қыз­мет сапасы жақсарады. Сәйкесінше, тұр­ғындар денсаулығын жақсартудың нәтижесінде өмір сүру ұзақтығы да артады. Төртіншіден, МӘМС енгізілген кез­де медициналық қызметкерлер жа­ла­қысы еңбегіне қарай бағаланады деп кү­тілуде.

Ал, Астана қаласындағы № 6 қала­лық емханада бас дәрігер Динара Бай­сер­­кинаның қадағалауымен мамандар медициналық сақтандыру бойынша халыққа түсіндіру жұмыстарын жүр­гі­зуде. Жыл басындағы мәліметтер бой­ынша, емханаға тіркелгендер саны – 71 905, оның ішінде үлкендер – 46 759, балалар – 22 799, жасөспірімдер – 2347, зейнеткерлер – 7096. Емханада күн сайын МӘМС туралы жадынамалар та­ратылады, қабылдауға келген тұр­ғын­дарға түсіндірме жұмыстары жүргізіледі. Тіркеу тізбесі бойынша тұр­ғындардың әлеуметтік мәртебесі тура­лы деректерді ен­гізу жұмыстары күн­делікті жүріп жа­тыр. Бүгінге дейін біздің емханаға тір­келген тұрғындардың 3 985-нің мәр­тебесі анықталды. Белсенді түр­де жүр­гізіліп жатқан бұл жұмыс ағым­дағы жыл­дың 31 маусымына дей­ін аяқталуы ти­іс. Электронды жазы­лым бойынша күн сайын терапевт-дәрігерлерге 350-дей адам жазылады. Ал, әзірге педиатр, хирург, травматологтар кезек бойынша, невропатолог, кардиолог, окулист се­кіл­­ді маман-дәрігерлер талон бойынша қа­былдайды. Мұның бәрі алдағы уа­қыт­та электронды жазылым бойынша рет­теледі. Емханада МӘМС бойынша 5 ада­м­нан құралған жұмыс тобы бар. Олар ха­лыққа және емхана қызметкерлеріне тү­сіндіру жұмыстарын жүргізіп келеді.

Ағымдағы жылдың 1 шілдесінен бас­­тап мемлекеттің, жұмыс беру­ші­­­лер­дің және азаматтардың ортақ жау­­ап­кер­ші­лі­гіне негізделген мін­дет­ті әлеу­меттік ме­ди­циналық сақ­тан­ды­ру жүй­есі енгізіледі. Бұл жүйе­нің тиімд­і­лігі әлем­дік тәжірибеде дә­лел­ден­ген. Ме­ди­циналық сақтандыру жүйе­­сіне қа­ты­су­шыларға кең көлемді ме­ди­­ци­налық қыз­меттер ұсынылмақ. Оған қа­тысатын тұр­ғындардың әлеу­мет­тік қор­ғалмаған тобына мемлекет қолдау көр­сетеді. Жуырда еңбек ұжы­мы­мен бір­ге талқылаған Елбасы Жол­дау­ын­да айтылғандай, емханамыз мін­детті әлеу­меттік медициналық сақ­тан­­дыру жүйе­сі­нің талаптарына сай ме­ди­циналық қызмет көрсетуге әзір. 

Зәуре ХАРАШАЕВА,

№6 қалалық емхана бас дәрігерінің ұйымдастыру-әдістемелік жұмыстар жөніндегі орынбасарының міндетін атқарушы 

АСТАНА