Төрағалық логотипінің тұсауы кесілді

Кеше Астанада 2011 жыл­дың жазында болатын Ислам Кон­ференциясы Ұйымы Сырт­қы істер министрлері кеңесінің 38-ші сессиясында Қазақстан төраға­лығы логотипінің тұ­сауы кесілді. Логотип алтын күн мен қыран­ның бейнелері келтірілген көгілдір шеңбер түрінде. Жоғарғы шеттерінде 38th Session of the OIC Council of Foreign Ministers, ал төменгісінде Astana Kazakhstan. June 28-30, 2011 деген мәтін келтірілген. Қазақстан төрағалығының ұраны («Бейбітшілік, ын­тымақтастық және даму») Ұйымның үш ресми тілінде (ағылшын, француз, араб) жасыл түспен логотипті айнала жазылған. Сондай-ақ логотиптің сырты еліміздің мәдениеті мен дәстүрін нышандайтын қазақтың ою-өрнегімен әшекейленген. Көгілдір және алтын түстер, сонымен қатар, күн мен қыран бейнелері Қазақ­станның Мемлекеттік туының түстері мен сим­вол­дары ретінде Ислам Конференциясы Ұйымының Сырт­қы істер министрлері кеңесінің 38-ші сессия­сының Қазақстанда өтетініне сілтесе, жасыл түс ал­дағы болатын шараның мұсылман әлемімен бай­ланы­сын аңғартады.