Мақсат – сенім шараларын нығайту

Жақында Қорғаныс министрлігі жанындағы Қару-жарақ қысқартуды және инспекциялық қызметті қамта­ма­сыз етуді бақылау жөніндегі орта­лық ҰҚШҰ әскери-саясаттық өлше­мі шеңберінде сенім мен қауіп­сіздікті нығайту шаралары бойынша келіссөздер туралы 1999 жылғы Вена құжатының ережелеріне сәйкес Германия Федеративтік Республика­сы және Италия Республикасы Қа­рулы Күштерінің аталған аудан­дарында тексерістер өткізді. Вена құжаты ҰҚШҰ-ның ең маңызды құралдарының бірі болып табылады және онда жыл сайынғы әскери ақпаратпен алмасу, мүше мемлекеттер арасында әскери ынты­мақтастық және сенім мен ашық­тыққа мүмкіндік туғызатын іс-шара­ларды жүзеге асыру бойынша мүше мелекеттердің міндеттері жазылған. Қазақстанның инспекциялық топ­тары Германия аумағындағы объектілерді, атап айтқанда, АҚШ Құрлық әскерлерінің 5-ші еуро­палық корпусын, Италия аумағын­дағы Оңтүстік Еуропа тактикалық тобын тексерді. Тексерістер бары­сын­да қазақстандық әскерилер атал­ған аудандарда орналасқан әскери бөлімдер туралы брифинг ұсынып, техника және қару-жарақтың негізгі үлгілерін байқады, сонымен қатар оқу үрдісі мен жеке құрамның күн­делікті қызметімен танысты, деп хабарлады ҚР ҚМ-нің баспасөз қызметі.