Омбыдағы ағайын дән риза

Жуырда Федор Достоевский атындағы Омбы мемлекеттік университетінде қазақ тілі мен мә­дениетінің орталығы ашылды. Бұл Павлодар және Омбы облыс­тарының басшылығы арасын­дағы достық байланыс арқылы жүзеге асты. Көптен күткен ор­талықтың ашылу рәсіміне Сұл­танмахмұт Торайғыров атындағы мемлекеттік университеттің оқы­тушы-про­фессорлар құрамы, өнер­лі студент жастар қатысты. Айт­қанын­дай-ақ, салтанатты ашы­лу рәсі­міне жиналған омбылық қазақ­тарды олар сағынышты ән мен күйге бөледі. Ф.Достаевский атын­дағы университет прорек­торы Владимир Половинко мен Сұлтан­мах­мұт Торайғыров атын­дағы мемлекеттік университеттің ректоры Ерлан Арын қазақ тілі мен мә­де­ниеті орталығының тұ­сауын кесті. Е.Арынның айтуын­ша, бұл еліміздің, қазақ хал­қы­ның тәуел­сіз­дік алуының 20 жыл­дығы қарсаңында шетте жүр­ген қан­дас­тарымыз үшін жа­салған ал­ғаш­қы жарқын бастама, ал, ал­дағы уа­қыт­та қазақ тілі мен мә­дениеті, әде­биетіне ар­налған бас­қа да жақ­сылықтар қолға алын­бақшы. Ал, Ресейдің Ом­бы­дан басқа өңір­лерінде де қа­лың қазақ тұра­ты­нын ескерсек, осын­дай орта­лық­тардың олар­­дың да ортасын тол­тырып, қуа­нышқа толтыруы әб­ден керек-ақ. Сөйтіп, оқу орнында ашыл­ған қазақ тілі мен мәдениетінің орталығы Омбы қазақтарының басын қосатын ортаға айналмақ. Бүгінгі таңда Омбы облысында жүз мыңнан аса қазақ тұрады. Ал, қазақ тілі қазақ үшін қай жерде жүрсе де қастерлі. Сон­дықтан, басқа жерлерде жүрген қандастарымыз үшін қазақ тілді ортаның қалыптасуы, ана тілі­міздің сақталуы, қажеттілігі заң­­дылық. Орталыққа Омбы об­лы­сындағы қазақ автономиясы жас­тарының көшбасшысы Бауыр­жан Тыныс жетекшілік жасайды. – Қазақ тілі мен мәдениеті орталығына жетекшілік ету үлкен сенім. Қазірдің өзінде орталыққа өз қазағымыз көптеп келуде. Ана тілінде сөйлеп, ән айтуға қызыққан жастар да көп. Ерлан Мұхтарұлына рахмет айтамыз, – дейді ол. Орталыққа Сұлтанмахмұт Торайғыров атындағы университетте жарық көрген тарихи, әдеби кітаптар әкелінді. Төрде Төле, Әйтеке, Қазыбек билердің суреттері мен нақыл сөздері ілінген. Қазақ тілінің әліппесі, мемлекеттік рәміздер, еліміздегі қалалар жайлы деректер де жеткілікті. Қазақ тілінде шыққан деректі, тарихи, көркем фильм­дер де бар. Фарида БЫҚАЙ, Павлодар.