Коммуникациядан кемдік болмайды

Ақтөбе қаласының маңынан жер алып, жеке тұрғын үй салушы­лар қатары жыл сайын көбейе түсуде. Жаңадан бой көтерген ша­ғын аудандар тұрғындарын қинай­тын мәселе –  инженерлік-комму­ни­кациялық желілердің уақытылы жүргізілмеуі болып отыр. Қала әкімдігі осы бір өзекті мәселені шешуді қолға алды.  Биыл қала маңындағы елді мекендерді инженерлік коммуникациялармен қам­ту­ға бөлінетін қаржы көбеймек.  Егер 2009 жылы  9 елді мекенде, 2010 жылы  13 ауылда инженерлік желілер  жүргізілген болса, 2011 жылы 20 елді мекенге инженерлік-коммуникациялық  желілер жеткізіледі деп күтілуде. Соңғы он жыл ішінде жеке тұрғын үй құрылысына 10 мыңнан астам жер учаскесі бөлінген. Бұл ауылдардың дамуына, жаңадан 27 елді мекеннің пайда болуына және облыс орталығы маңындағы тұр­ғын­дар санының өсуіне ықпал етті. Бір әттеген-айы, кезінде тұрғын­дарға жер учаскелері бөлінгенімен инфрақұрылым құрылысына қар­жы қаралмаған. Қазіргі таңда олар­ды инженерлік-коммуникациялық желілермен  қамтамасыз ету қа­жет­тілігі туындауда. Бұл мәселе қала әкімі Архимед Мұхамбетов­тың қала маңындағы ауылдар тұр­ғындарымен кездесуінде кеңінен әңгіме болды. Қала басшысының айтуынша,  алдағы уақытта бюджеттің негізгі қаржысы селолық елді мекендер мен жеке құрылыс массивтерін дамытуға, инженерлік желілер құ­рылысына жұмсалатын болады. Осы мақсатта қала әкімдігінде 2011-2017 жылдарға арналған ин­же­нерлік-коммуникациялық ин­фра­құрылымдарды қайта жарақ­тан­дыру, салу және аз қабатты  тұрғын үй  массивтерін  дамыту­дың жоспары жасалған. 2005-2010 жылдарға арналған тұрғын үй құрылысын дамытудың өңірлік бағдарламасына сәйкес, бюджеттік қаржылар бірінші кезекте, ипоте­калық және коммуналдық үйлер мен жеке тұрғын үй құрылысының жаңа құрылыс аудандарын инже­нерлік-коммуникациялық желілерімен жабдықтауға жұмсалды. Қа­ла әкімі 2011 жылы 31 нысанның құрылысын жүргізу жоспарланып отырғанын жеткізді. Оған бюд­жеттен 5 млрд.теңге бөлініпті. Бұл қаржы осы нысандардың инженерлік-ком­муникациялық инфрақұрылым­дарын дамытуға жұмсалмақ. Биыл К.Нокин  ауылында, «Ақ­жар-1», «Россовхоз», Зареч­ный-4, 41-разъезд ауданында, Лесное ауылында электр жары­ғы­мен жабдықтау желілерін жүр­гізу жоспарланып отыр. Ал «Ясный-2», «Ақжар-2» (2-ші кезек), Ақжар ( ескі бөлігі), «Жастар-2» шағын ауданында, «Зареч­ный-4» ауылында сумен жабдық­тау желілерінің құрылысын салу көзделуде. Қазіргі уақытта Сазды селосындағы су құбыры кешені­нің құрылысына байқау өткізіліп, «ЗапКазСтройИнвест» ЖШС мер­­дігер болып белгіленді. Бұл нысан 2012 жылы іске қосы­латын болады. Үстіміздегі жылы Қызылжар (ескі бөлігі) және Пригородный ауылын сумен жаб­дықтау желілерінің құрылы­сына жобалық-сметалық құжат­та­р дайындалады. Сатыбалды СӘУІРБАЙ, Ақтөбе облысы.