«Маңғыстау жұлдыздары» жарқырай көрінді

Қазақ елі Тәуелсіздігінің 20 жылдығына арналған өнер фестивалінде жас таланттар биік талап деңгейінен табыла білді Облыста қалыптасқан дәстүрге айна­лып, төртінші рет ұйымдастырылған «Маң­ғыстау жұлдыздары» атты өнер фестивалі екі апта бойы аймақтың аспанын ән мен күйге бөлеп, ойдағыдай аяқталды. Оған 2 мыңдай өнерпаз қатысып, 7 ата­лым бойынша өнер сайысына түсті. Ме­рекелі жылдағы өнер сайысының өзіндік ерекшеліктері фествальдің маңызын те­рең­дете түсті. Бұрынғы жылдардағы са­йыс­тарға қоса екі бөлімнен тұратын бағ­дар­ламаның екінші бөлімінде ел тәуел­сіз­дігіне арналған сахналық көріністер, му­зы­к­алық қойылым­дар және де ауыл-се­лодағы мәдени ошақ­тардың жұмыстары да назарда болды.   Бұл жылғы өнер фестивалінің тағы бір ерекшелігі мен маңыздылығы, ел ішіндегі талантты жастарды іздеп, тауып, оларды өнерсүйер халыққа кеңінен таныс­ты­руымыз болды – дейді облыстық мәдениет басқармасының бастығы Майра Ғұмарова. Өнерлі жастар үшін тағы бір тағы­лым­ды шаруа фестивальде өз өнерлерімен жар­қы­рай көрінген жастарға өнер жолын жалғас­тыруға жағдай жасалып, олардың біразы облыстың өнер колледжінде білім алуға ша­қырылыпты. Сондай-ақ, жоғары оқу орын­дарына баруға да ұсыныс жасап, қолдау көрсетілетіндігі айтылды. Фес­ти­вальді ұйым­дастырудағы тағы ұтымды тәсіл – бұ­рынғы жылдардағыдай оларды облыс орта­лығына жинап, асығып-апты­ғып өткізбей, әрбір ауылда, аудан, қалада өткізу өнердің тәрбиелік, тағылымдық мәнін тереңдетіп қана қоймай, облыс ор­талығына аяқтары же­те бермейтін ауыл жұртына көңілді сәттер сыйлау болғаны деуге болар. Тағы бір атап айтарлығы өнерпаздарға қажетті көмек пен қолдау кө­рсетуші өнеркәсіп орындары мен кәсіп­керлердің қатары да көбейе түскен. Осы­ның бәрі «Маңғыстау жұлдыздарының» жарқырай түсуіне игі ықпал еткені көрі­ніп-ақ тұр. Қазылар алқа­сының пікірінше, мерекелі жылдың өнер байқауындағы Маң­ғыстау ауданы өнер­паз­дарының «Тәуел­сіздігім – теңдігім», «Еркіндігім – елдігім», қарақиялықтардың «Тәуел­сіздік – тұғырым» әдеби-сазды қойы­лым­дары, Ақтау қаласы өнерпаздарының «Тәуел­сіз­дік мақтанышы» атты концерттік бағдар­ла­масы ел тәуелсіз­дігінің қадір-қа­сиетін, мән-маңызын аша түсіпті. Тәуелсіз­дігі­мізді әнге, жырға қосқан жеке өнер­паздар еңбегі оларды одан әрі то­лықтырып, тұл­ға­ландыра түскен. Бұл өнер фестивалі сонысымен ерекше есте қал­атын­дай сәтті өтті. Екі аптаға созылған ән-жыр мерекесі Ақтауда үлкен гала-концертпен аяқталып, көрермендер көңілінен шықты. Сол сал­та­натты кеште облыстық «Маңғыс­тау жұл­дыз­дары» өнер фестивалінің бас жүлдесі Маңғыстау ауданына тапсы­рыл­ды. Сон­дай-ақ «Нұр Отан» ХДП облыстық фи­лиалы тағайындаған бас жүлде Қарақия ауда­ны­ның өнерпаздарына берілді. Бірінші орын Түпқараған ауданына, облыс қа­ла­лары арасында бірінші орын Ақтау қаласы өнер­паздарына берілді. Жалпы, өнер фестиваліне қатысып, үздік өнер көрсеткен алпыстан астам жеке өнер­паз­дар мен отыздан астам өнер ұжым­дары ар­найы сыйлықтар мен дипломдарға ие болды. Жоламан БОШАЛАҚ, Ақтау.