Қарқынды құрылыс: ажарлы атыраудың абыройы биік

Әлеуметтік нысандардың саны артады
Қазір облыста «Нұрлы жер» бағдарламасы аясында 37­ көп пәтерлі тұрғын үйдің құ­­­­рылысы жүріп жатыр. Жыл ба­­сынан бері 119,2 мың шаршы ме­тр тұрғын үй пайдалануға бе­рілді, бұл өткен жылғымен са­лыс­тырғанда 4,2 пайызға көп, дей­ді М.Жантөреев. 2018 жылы об­лыс орталығында «Береке», «Нұр­сая» шағын аудандарында 44 көп пәтерлі үй салынады. Жеке тұрғын үй құрылысының бірыңғай сәулеттік келбетін жа­сау мақсатында әкімдікпен ин­женерлік коммуникация тартылған 400 учаске дайындалды. Құрылыс және тұрғын үй-коммуналдық шаруашылық комитетінің эскиздары бойынша 80 тұрғын үйге жобалау-сме­талық құжаттар жасақтау жұ­мыстары басталды.
Аймақта әлеуметтік ны­сан­­дар қатары да жыл санап артып келеді. Жылыой ау­да­нының Жаңа Қаратон, Қос­ша­ғыл, Тұрғызба ауылдарында, Құрманғазы ауданы­ның Га­ню­­шкино ауылында, Исатай ау­данындағы Х.Ерғалиев ауылы­н­­да енді жаңа балабақша бо­ла­ды. Бұдан бөлек,14 мектеп­ке ғимарат салынып жатыр. Д.Нұрпейісова атындағы му­зыкалық колледжіне 100 орын­дық жатақхана құрылысы да басталды.
Атырау қаласының реа­би­литациялық орталығы мен Н.Тілен­диев атындағы Кіші өнер академиясына жапсар­жай са­лынады. Облыс орталығынан оқу­шылар мен жастар үйі бой көтереді. Басқарма бас­шы­сы­ның орынбасары Құр­ман­ға­­зы ау­даны Дәшін ауылын­да ба­ла­лар саз мектебі мен Қ.Дүт­ба­­ева атындағы гу­ма­ни­тарлық колледжге спорт ке­ше­нін салу үшін қажетті құжаттар дай­ындалып жатқанынан хабар­дар етті. 
Құрылыс саласындағы жа­ңа­лықтардан денсаулық сақтау ны­сандары да тыс қалмайды. Қа­зір Индер ауданы Көктоғай ауы­лында дәрігерлік амбула­то­рия салынып жатыр. Атырау қа­ласында өкпе аурулар ау­ру­хасының аумағына бетон қоршау орнату жұмысы да жоспарға сай жүруде. Қыз­ыл­қоға ауданының Миялы, Қа­ра­бау ауылдарында, Исатай ау­даны орталығында және Атырау қа­ласы маңындағы Тас­қала ауылсында денсаулық сақ­тау нысандары қолданысқа бе­ріледі. Жылыой ауданында туберкулезге қарсы диспан­сер қай­та жаңғыртылып, жүй­ке ау­руларымен ауыратын адам­дар­­ға арналған үй интер­натын са­­лу үшін құжаттар дай­ын­да­ла­ды. 
Аймақта соңғы жылдары мәдениет ошақтарының саны арт­ты. Қазір 8 мәдениет үйі­нің құрылысы жүріп жатыр. «Жыл аяғына дейін тағы да 3 мә­де­ниет үйін тұрғызуға қатысты құ­жат­тар реттеледі. Атырау қа­ласында Достық үйі бой кө­те­реді», дейді М.Жантөреев.
Облыс халқының 25,9 пайызы спортпен шұғылданады. Облыс орталығында ғана емес, алыстағы ауылдарда да қазір спорт кешендері бар. Биыл бюджет есебінен Атырау қаласы Томарлы елді мекенінен үлкен футбол мен жеңіл атлетикаға арналған алаңның құрылысы, Атырау қаласы Кеңөзек ауы­лы­нан 320 орындық спорт ке­шені құрылысы, Исатай ау­­даны Аққыстау ауылынан 160 орындық спорт кешені құ­ры­лыс­тары жоспарланған. Ай­та ке­ту керек, әлеуметтік ны­сан­дар қатарының артуына ай­мақ­­­т­ағы мұнай компаниялары мен ірі кәсіпорындар да үлес қо­­­сып жүр. «Теңізшевройл» ком­­­­паниясы Жылыой ауда­ны­н­­д­ағы Тұрғызба, Қосшағыл, Май­­­­­көмген ауылдарына үш де­­не шынықтыру-са­у­­ы­қ­­­­­ты­ру ке­шендерін с­а­лу үш­ін қар­жы бөліп отыр. Осы ау­дан­ғ­а қарасты Шоқ­па­­­рт­оғай, Ақкиізтоғай, Жа­ңа Қаратон ау­ылдарында да ТШО-ның қа­ражаты есе­бі­нен жаңа ке­шен­дер бой кө­те­реді. «Қаз­МұнайГаз» АҚ Аты­рау қа­ласы мен Ақжал елді ме­ке­нін­де 5 спорт кешенін салып жа­тыр. Алдағы уақытта облыс ор­та­лығында тағы да 3 спорт за­лы болады. 
Жаңа ғимараттар – ел игілігіне
Облыстық құрылыс бас­қар­масы берген мәліметте қор­шаған ортаны қорғау нысан­дары жайлы да көрсетілген. Мы­салы, «Атырау облысы Жа­й­ық өзенінің суын молай­ту жә­не гидрологиялық режімін жақ­сарту» жобасы бойынша жұмыстар аяқталуға таяу. Индер­бор кентінде кәріз-сор­ғы бекеті мен кәріз жүйесі құ­ры­лысын салу жұмыстары бас­талды. Сонымен қатар, Аты­рау облысы аумағында Жай­ық және Қиғаш өзендерін су­лан­д­ыру бойынша жобалау-сме­та­лық құжаттамасын жасақтау жұ­мыстары жүргізілуде. 
«Об­лыс аудандарында 10 қатты тұ­р­мыстық қалдықтар полиго­нын салу үшін (Жылыой ауданы Құлсары қаласы, Исатай ау­даны Аққыстау ауылы, Ин­дер ауданы Индербор кенті, Махамбет ауданы Махамбет ауылы, Мақат ауданы Мақат кенті, Құрманғазы ауданы Сүй­ін-
дік, Котяевка, Ганюшкин ауылдары, Қызылқоға ауданы Миялы және Сағыз ауылдары) жобалау-сметалық құ­жат­тар жасақталып жатыр, де­ді басқарма басшысының орын­басары Мерей Жантөреев. Атырау қаласында 35 то­нна­лық түп тұнбасын құрғату стан­сасын салуға және Құр­ман­ғазы ауданы Қиғаш өзе­гінен елді мекендерін су тас­қы­нынан қорғау бөгеттерін қай­та жаңғыртуға көңіл бө­лінді. Атырау қаласында маман­дан­дырылған халыққа қызмет көр­сету орталығы, ішкі істер де­партаменті, Исатай ауданы Аққыстау ауылында ХҚК орта­лы­ғы алдағы уақытта заманға сай ғимаратпен қамтамасыз етіледі». 
Аспанмен таласқан зәу­лім ғимараттар, қос құр­лы­қ­т­ы жалғаған көпірлер, күм­бе­зін күн сүйген сәулет ес­кер­­ткіштері, жаңарған ин­фра­­құрылым, ел игілігіне бе­ріл­ген жаңа нысандар бүгінгі Аты­­раудың көркем келбетіне ай­нал­­ды. Елімізде, оның ішінде тек қана Атырауда ерекше өнім шы­ғаратын кәсіпорындар қа­тары көбейді. Елбасы тапсыр­ма­сымен қолға алынған мемл­е­ке­ттік бағдарламалар аясында жа­ңа зауыттар салына бастады. Әлеуметтік нысандардың ма­териалдық-техникалық базасы нығайды. Мұның бәрі алып құ­рылыс алаңына айналған Аты­раудың ажарын айшықтап тұр. 

Бақытгүл БАБАШ,
«Егемен Қазақстан»

АТЫРАУ