Қуанарлық жайт, бұл тақырып сөз күйінде қалмай, аймақта қазір тың бастамалар қолға алынуда. Атап айтқанда, биылғы маусым айында Екібастұздың балабақшаларында қанатқақты жоба − өзге ұлт өкілдерінің балалары үшін қазақтілді топтар ашылғалы отыр.
− Бұл жобаны жүзеге асыру үшін барлық балабақшаларда балалардың тез бейімделуіне қажетті жағдай жасалған. Топтар балаларды тілдік ортаға тез бейімдейтін заманауи материалдық-техникалық базамен жабдықталды, топтарда жоғары білікті мамандар жұмыс істейді, − дейді Екібастұз қаласы әкімдігі білім бөлімінің басшысы Нұржамал Макумова.
Айта кетерлігі, Екібастұзда өзге ұлт өкілдеріне қазақ тілінде тәрбие беру үрдісі бұрыннан бар. Осы күні өзге ұлттың 110 баласы мемлекеттік тілдегі балабақшаларда тәрбиеленіп жүр.
Жанаргүл ҚАДЫРОВА
Павлодар облысы
