«Ер кезегі үшке дейін» демекші, 56 килода сынға түскен ең тәжірибелі боксшыларымыздың бірі Қайрат Ерәлиев осымен Азия чемпионатына үшінші рет қатысты. Сол кездегі үндіс қарсыласы оң жамбасына келмеді ме, әйтеуір алғашқы сары құрлық чемпионатында бағы жанбады. Екіншісінде қола медальды қанағат тұтуға мәжбүр болды.
Енді міне, үшінші мүмкіндікті де мүлт жіберіп отыр. Оның жолын бұл жолы қытайлық Жиа Вей Чжан кесті. Есеп – 3:2. Енді Қытай боксшысы финалда ринг иесі, Рио Олимпиадасының қола жүлдегері Муроджон Ахмадалиевпен сынға түседі.
Алмас МАНАП,
«Егемен Қазақстан» –
Ташкенттен
