Композиторлар бас қосты

Жамбыл атындағы Қазақ мемлекеттік филармониясында ел Тә­уелсіздігінің 20-жылдығына арнап Қазақстан композиторлар ода­­­ғы өткізген «Көк байрағым, желбіре» фестиваліне тыңдарман қау­ым мол жиналды. Симфониялық концерт бағдарламасын ұйым ақ­сақалдары Е.Рахмадиев, Д.Ботбаев, М.Хұсайынұлы, Б.Жұма­ния­зов, М.Маңғытаев, Н.Новиков, Тен Чу, К.Дүйсекеев, Ж.Тұр­сын­баев шығармалары құрады. Сон­дай-ақ «Мәдениет қайраткері» белгісін ал­ған одақтың аймақтық мүше­ле­рінің қуанышында шек болмады. Құрманғазы атындағы мемлекеттік академиялық халық аспаптар оркестрінің концерттік бағ­дар­ламасына бүгінгі компози­тор­лардың орта буын өкілдерінің шығармалары енді. Жұртшылық орындалған дүниенің сапасы мен кәсіби шеберлігіне тәнті болды. Республиканың түкпір-түкпі­рінен келген композиторлар мен музыка зерттеушілер Қазақстан Композиторлар одағының XII съе­­зінің жұмысына қатысты. Съез қазақ классикалық музыкасының стратегиялық бағыттарын белгілеп, алдағы жоспарды талқы­ла­ды. Қазақстан Композиторлар ода­­ғының төрайымы болып композитор Балнұр Қыдырбек қайта сай­ланды. «Егемен-ақпарат».