Бірқатар заң жобалары мақұлданды

Кеше Парламент Мәжілісінің Төрағасы Орал Мұхамед­жа­новтың жетекшілігімен өткен палатаның жалпы отырысында бірқатар заң жобалары мақұлданды, деп хабарлады Мәжілістің баспасөз қызметі. Жалпы отырыста «Қазақстан Республикасының кейбір заңна­ма­лық актілеріне банк қызметін және қаржы ұйымдарын реттеу мә­селелері бойынша тәуекел­дер­ді азайту бөлігінде өзгерістер мен толықтырулар енгізу туралы» заң жобасы бірінші оқылымда тал­қы­ға шығарылады. Заң жобасы жө­нінде Ұлттық Банк төрағасының орынбасары Данияр Ақышев баяндама жасаса, Мәжілістің Қа­р­жы және бюджет комитетінің мү­шесі Құттықожа Ыдырысов қо­сымша баяндама жасады. Тал­қы­лаудан кейін заң жобасы бірінші оқылымда мақұлданды. Келесі кезекте «Ғарыш қыз­меті туралы» заң жобасы бірінші оқылымда талқыға шығарылды. Заң жобасы жөнінде Ұлттық ға­рыш агенттігі төрағасының орын­басары Мейірбек Молдабеков баяндама жасады. Заң жобасында ға­рыш қызметі қауіпсіздігін қам­та­масыз ету, аталған сала қызме­тін жүзеге асыру кезіндегі оқиға­ларды тексеру мен оның салдар­ларын жою, ғарыш қызметінің әсе­ріне ұшырауы ықтимал өңір­лер­­дегі елді мекендердің қауіпсізді­гін қамтамасыз ету жөніндегі құ­қықтық нормаларды бір жүйеге келтіру көзделген. Басқа да қажетті мәселелер қамтылған. Парламент Мәжілісінің бар­лық комитеттері заң жобасы бой­ынша оң қорытындыларын берді. Жұмыс тобына 275 түзету келіп түсті, олар жұмыс тобының то­ғыз отырысында, барлық мүдделі министрліктер мен ведомстволар, қоғамдық бірлестіктер мен ұйым­дар өкілдерінің қатысуымен ко­ми­теттің кеңейтілген отырысын­да жан-жақты қаралып, талқы­лан­ды және барлығы қабыл­данған 87 позициядан тұратын қорытынды салыстырма кестеде көрсетілді. «Қазақстан Республикасының кейбір заңнамалық актілеріне ға­рыш қызметі мәселелері бойын­ша өзгерістер мен толықтырулар енгізу туралы» ілеспе заң жобасы еліміздің бірқатар заңнамалық актілеріне өзгерістер мен толық­тырулар енгізуді көздейді. Осы екі заң жобасы бойынша құрыл­ған жұмыс тобының жетекшісі Мә­жілістің Экономикалық реформа және өңірлік даму комите­тінің хатшысы Мұрат Әбенов қосымша баяндама жасады. Екі заң жобасы да бірінші оқылымда мақұлданды. «Келісілген макроэкономика­лық саясат туралы келісімді ратификациялау туралы» заң жобасы да депутаттардың талқысына салынып, толықтай мақұлданды. Келісілген макроэкономикалық саясат туралы келісім 2010 жылғы 9 желтоқсанда Мәскеу қаласында жасалды. Сонымен қатар, «Бірыңғай эко­номикалық кеңістікке мүше мемлекеттердегі қызметтер саудасы және инвестициялар туралы келісімді ратификациялау туралы» заң жобасы мақұлданды. Келісімнің мақсаты қызметтер көрсетуде өз­ара сауда-саттықты кеңейту және оны ырықтандыру деңгейін арт­тыру, Бірыңғай экономикалық ке­ңіс­тікке (БЭК) мүше мемлекеттерде қызметтер көрсетудің өзара сау­д­а-саттығы үшін бірыңғай қа­ғи­даттар мен қағидалар үшін жағ­дай жасау, сондай-ақ БЭК аума­ғын­дағы БЭК-ке мүше елдердің инвесторлары мен оларға қызмет көрсетушілер үшін қолайлы жағ­дай жасау болып табылады. Мақұлданған заң жобалары­ның бірі «Өнеркәсіптік субсидия­лар­ды берудің бірыңғай қағида­лары тура­лы келісімді ратификациялау тура­лы» заң жобасы бол­ды. Келісімнің мақсаты экономи­ка­ны дамыту, өн­ді­рісті кеңейту, бас­қарудың және ғылыми-тех­ни­калық прогрестің тиімділігін арт­тыруды ынталандыру, Бірыңғай экономикалық кеңістік шеңберін­де тауар нарықтарындағы ресурс­тарды оңтайлы бөлуді қамта­масыз ету болып табылады. Сондай-ақ «Өтпелі кезең ішінде арнайы қорғау, демпингке қар­сы және өтемақы шараларын қол­дану тәртібі туралы келісімді ратификациялау туралы», «Үшін­ші елдерге қатысты арнайы қор­ғау, демпингке қарсы және өтем­ақы шара­ларын енгізу алдындағы тексерістер мақсаттары үшін тексеру жүр­гізетін органға мәлі­мет­терді, оның ішінде құпия ақпа­рат­ты қамтитын мәліметтерді беру тәртібі туралы хаттаманы ратификациялау тура­лы» заң жобалары мақұлданды. Аталған заң жобалары жөнін­де Экономикалық интеграция істері министрі Жанар Айтжанова баяндама жасады. Сонымен қа­тар, палатаның жалпы отыры­сын­да «Баға белгілеу негіздерін және тариф саясатын қоса алғанда, электр энергетикасы саласындағы табиғи монополиялар қызмет­тері­не қол жеткізуді қамтамасыз ету туралы келісімді ратификациялау туралы» заң жобасы жөнінде Индустрия және жаңа технологиялар министрінің бірінші орынбасары Альберт Рау баяндама жасады. Келісім баға белгілеу және тарифтік саясат негіздерін қоса алғанда, электр энергетикасы саласындағы табиғи монополиялар қызметтері­не қол жеткізуді қамтамасыз ету саласында Бірыңғай экономи­ка­лық кеңістікке қатысушы мемле­кеттердің мемлекетаралық қаты­нас­тар негізін айқындайды. Заң жобасы толықтай мақұлданды. Бұдан кейін «Қазақстан Рес­пуб­ликасының Үкіметі мен Француз Рес­публикасының Үкіметі ара­сын­дағы Азаматтық қорғаныс, тө­тен­ше жағдайлардың алдын алу жә­не олар­ды жою саласындағы ынты­мақ­тас­тық туралы келісімді ратификациялау туралы» заң жо­басы тал­қыға шы­ғарылып, мақұл­данды. Тө­тен­ше жағдайлар министрі Владимир Божко баяндама жасап, заң жо­басы ту­ралы жан-жақты мағлұмат берді. Сонымен бірге, түстен кейін жалғасқан палатаның жалпы оты­рысында «Қазақстан Республи­ка­сы мен Корея Республикасы ара­сын­дағы Қылмыстық істер бо­йын­ша өзара құқықтық көмек туралы шартты ратификациялау туралы» заң жобасы қаралды. Заң жобасы жөнінде Бас прокурор­дың бірінші орынбасары Иоган Меркель баяндама жасады. «Білім туралы» Қа­зақстан Республика­сы­ның Заңы­на өзгерістер мен толықтыру­лар енгізу туралы» заң жобасы да тал­қыға шығарылды. Заң жобасының мақ­саты жайлы Білім және ғылым министрі Бақытжан Жұмағұлов баяндап берді. Мәжілістің Әлеумет­тік-мә­дени даму комитетінің мүшесі Раиса Полищук қосымша баяндама жасады. Аталған заң жобалары толықтай мақұлданды. «Қазақстан Республикасының кей­бір заңнамалық актілеріне ұйым­дасқан қылмысқа қарсы іс-қимыл мәселелері бойынша өзге­ріс­тер мен толықтырулар енгізу туралы» заң жобасы екінші оқы­лымда талқыға салынды. Бұл тура­лы Заңнама және сот-құқықтық реформа ко­ми­тетінің мүшесі Николай Турецкий баянда­ды. Заң жобасы екінші оқылымда мақұлданды. Жалпы отырыстың соңында дәстүр бойынша депутаттар бір­қатар лауазым иелеріне сауалдар жолдады.