Қадырдың қоры құрылды

Алматы қаласында қазақтың көрнекті ақыны «Қадыр Мырза-Әлінің» қоғамдық қоры өз жұ­мы­сын бастады. Қазақстан Жазушылар одағын­да өткен жиында аталмыш қордың басшы­лы­ғына Қазақстанның еңбек сіңірген қайраткері, Қазақ­стан Композиторлар одағының мүшесі, әнші-композитор Донеділ Қажымов тағайындалды. Қоғамдық қордың ашылу және басшылық та­ғайындау рәсімі іспетті өткен жиынға Қазақ­станның халық әртісі Е.Хасанғалиев, Республика сарайының директоры Б.Доспанов, «КАТЭК» компаниясының басшысы Қ.Нупов, «NGS+» компаниялар одағының ди­ректоры Б.Бәжіков, «Арыс» баспасының директоры Ғ.Әнес, «Мереке» баспасының ди­рек­торы М.Құл­кенов, Қазақстан Жазушылар одағы хат­шы­сының бірінші орынбасары Ғ.Жайлыбай қатысты. Жоғарыда аты аталған коммерциялық компаниялар аталған қорға 1 миллион теңгеден қаржы аударғандарын жеткізді. Қанат ЕСКЕНДІР. Алматы.