Назарбаев университетіндегі кездесу

Астанада еліміздің Премьер-Министрі – Назарбаев Университеті Қамқоршылық кеңесінің төрағасы Кәрім Мәсімов шетелдік ЖОО-серіктестер өкілдерімен кездесу өткізді. Кездесу барысында Премьер-Министр Назарбаев Университеті мен Ин­теллектуалдық мектептер желісін еліміздің индустриялдық дамуы­на арналған озық технологиялар мен инновацияларды әзір­леу және енгізу жүйесіне айнал­ды­руға қызығушылық білдірді. Кездесуде шетелдік серіктестер Назарбаев Университетін құрудың жоғары қарқындылығын атап өтті және студенттерге жоға­ры сапалы білім беруді қамта­ма­сыз ету үшін ынтымақтастыққа дайындықтарын растады. Алдағы оқу жылында Назарбаев Университеті жаңа факультеттер – инженерия, ғылым және технологиялар, әлеуметтік және гума­ни­тарлық ғылымдар мектебін ашады. «Назарбаев Университеті бү­гінгі жас буын өкілдерінен бо­ла­шақта елдің ұлттық эконо­мика­сына үлестерін қосатын көшбас­шыларды әзірлейтін болады және ондағы ғылыми-зерттеу жұмыс­та­ры қазақстандық білім беру стандарттарының бірі ретінде әлемдік стандарттарға теңесетіні­не кепілдік береді деген сенімдеміз», – деді Назарбаев Универ­си­тетінің ректоры Шигео Катсу  кездесулер қорытындысы бой­ын­ша берген сұхбатында. Назарбаев Университеті – Елба­сының бастамасымен ашылған Аста­надағы жоғары оқу орны. Мемлекет басшысының ойынша, Университет отандық жоғары білім жүйесінің жалаугері, заманауи білім мен кадрлар ұстаханасы ретінде маңызды рөл атқарады.