Көк аспанға көтерілді көк байрақ

Кеше елордамыздың туған кү­нін мерекелеу салтанатты шара­сы басталды. Аста­на­ның сәу­летті көркін жар­қы­раған күн нұры мен мың­даған адамдардың шат күл­кісі одан әрі әрлендіріп, кө­ңілге жайлы жылылық ту­ғызды. Таби­ғат та бұл қуа­нышқа осылайша оң қабақ та­ныт­қандай қоңыр сал­қын самал есіп, «Атамекен». Қа­зақстан кар­тасы» этно-мемо­ри­ал­дық кешенінің алдына жиналған жұрт­тың жа­нын жа­дыратты. Осы­ған орай мұн­да Астана күнін мерекелеу сал­та­натының бас­тал­ған­дығын білдіретін Мемлекеттік Ту­ды көтеру рәсімі бары­сында Президент Нұрсұлтан Назарбаев елі­міздің бірқатар әскери жоғары оқу орын­да­рын үздік бітірген кур­сант­тар­ға, яғни, Қазақстан Тәу­елсіздігінің құрдастарына әс­ке­ри шендер тапсырды. – Қадірлі отандастар! – деп бастады сөзін Елбасы. – Құр­мет­ті астаналықтар! Бүгін мемлекет­тің әнұраны рухымен бірге аспан түсті көк байрағымыз тағы да асқақтай көкке көтерілді. Қалып­тасқан дәстүр бойынша Астана күнінің алдында осы рәсімді ор­ындау біздің дәстүрімізге айна­лып келеді. Біз көк байрақтың ас­тында тәуелсіз мемлекет құрып, Қазақстанды әлемге таныттық. Біздің көк байрағымыз Біріккен Ұлттар Ұйымының төрінде ілулі. Астанада жүргізіліп жатқан бірнеше дүниежүзілік үлкен додалар мен жиылыстарда біздің көк байрағымыз тұрады. Менің ресми сапарым кезінде, Қазақстан­ның делегациясы алдынан әрқа­шан көк байрағымыз желбірейді, – деді Президент. – Көк бай­ра­ғы­мыз ата-бабаларымыздың, ба­тыр да дана бабаларымыздың әруа­қыт­та осы байрақтың астын­да бірігіп, ерлікпен елді, жерді қорғап, Отан­ды аман сақтау жолында қо­лынан түскен емес. Осыдан жи­ырма жыл бұрын біз сол дәстүрді қайта жандандырып, көк байрақ­ты желбіретіп, дүние­жүзіне паш еттік. Қазақстанды әлем сыйлай­тын ел еттік. Сон­дық­тан біздің мемлекеттік рә­міздеріміз Туы­мыз, Елтаңбамыз, Әнұранымыз қазақтың болаша­ғының, елдігінің рәсімі болып табылады. Бұл рә­сімдерді сый­лау, құрметтеу елдің патриоттық па­рызы болуы қа­жет. Осының тө­ңірегінде біз жас­­тарды тәрбие­лей білуіміз керек. Сондықтан Астананың ту­ған кү­нін атап өту көк байрақты кө­те­ру­­мен бастал­ды, – деді Елбасы. Одан әрі сөзін жалғаған Мемлекет басшысы: Дәл осы күні біз­дің мемлекетімізде әскери жоға­ры оқу орындарын бітірген кур­сант­тарға әскери шендер тапсы­рылады. Бұл олардың халыққа берген анты болып табылады. Олар елге аянбай қызмет етіп, Ота­нымызды, жерімізді, шекара­мызды нық қорғайды деген сенімдеміз, деді. Бүгінде жас елордамыз – Астана қаласы бүкіл әлемге таныл­ды. Астана – Қазақстанның жау­һа­ры. Астана – Қазақстанның қақ­­пасы. Мұнда ЕҚЫҰ саммиті өтті. Енді біздер мұнда Ислам Ын­тымақтастық ұй­ымына төр­аға­лық етудеміз. Мұнда небір Азия­лық ой­ындар, экономикалық форумдар өтті. Демек, Астана ар­қылы Қа­зақ­станды әлем біліп, та­нып от­ыр. Астананы бәрі мақта­ныш етеді. Күнбе күн елордада жаңа, тамаша бір ғажайып ғима­рат­тарды кездестіреміз. Біздің ға­жайып ар­хитектуралық құрылыс­та­ры­мыз әлемнің озық телеарна­ларынан көрсетілуде. Осы арқы­лы біз Ас­тананың Еуразия құрлы­ғының кін­дігіне айналып келе жат­­қан­дығын дәлелдеудеміз. 20 жылдық Тәуелсіздік ішінде біз көптеген келелі жетістіктерге қол жеткіздік, деді одан әрі Елбасы. Енді аталған мерекеге орай біз жаңа құрылыстарды, республика бойынша жаңа кәсіпорын­дарды ашып отырмыз, деді Елб­а­сы сал­танатты шара барысында. Онда мың­даған адам жұмыс істейтін бо­лады. Бірінші шілдеден бастап барлық бюджеттік мекеме қыз­меткерлерінің еңбекақысы кө­бей­ді. Бірінші қаңтардан бастап 30 пайызға зейнеткерлердің зей­нет­ақысы артты. Бұл біздің эко­но­микамыздың, еліміздің ойда­ғы­дай жұмыс істеп келе жат­қан­дығын білдіреді. Біз мұның бә­ріне ха­лық­тың арасындағы бір­лік­тің, дос­тықтың, ынтымақтас­тықтың ар­­қасында қол жеткіздік. Біздің ал­дымызда енді мұнан да асқа­ралы, биік, яғни елімізді ин­дус­трия­лан­дыру, жаңа экономи­каны құру міндеттері тұр, біз бұл жұмысты екінші жыл қатарынан атқарып келеміз. Былтыр 152 нысанды аштық, биыл тағы 200 нысанды пайдалануға береміз. Жүз­­деген мың қазақстандық жұ­мыспен қам­тамасыз етіледі. Өт­кен сай­лау­лар біздің халқы­мыз­дың бірлігін айқындап берді. Біз осы бір­ліктің арқасында көп­теген қиын­шы­­лық­тарды еңсере білдік. Одан әрі Президент әскери оқу орындарын тәмамдаған кур­сант­тар­ды, олардың ата-анала­рын құт­тық­тай отырып, әскери оқуды бітірген жастардың бар­лы­ғына ден­саулық, зор табыс, ірі жетістіктерге қол жеткізуге шын жү­рек­тен тілек білдірді. Бүгін мен елі­міздің әс­кери жоғары оқу орын­дарын тә­мамдаған әскери түлектерімізге шен тапсырдым. Әрине, жыл са­йын еліміздің әс­кери оқу орын­дарын жүздеген тү­лек бітіріп шы­ға­ды. Біздің әс­ке­рімізге, құқық қор­ғау орган­да­рына, Төтенше жағ­дай­лар министрлігіне және басқа да әскери ұй­ымдарға жас мамандар қосы­лып жатыр. Осы арқылы біз жастарға, Тәуелсіздік құрдас­тарына бет бұрамыз. Біз мемлекет негізін солар үшін қалап жатыр­мыз және біздің болашағымыз жақсы қолда болатынына сенеміз. Өйткені, ел жастарға сенеді, ал жастар елге қаймықпай қызмет ететініне сенімдіміз, деді Елбасы. Мемлекет басшысының қо­лы­­нан Астана мерекесі күні шен алған бақытты курсанттар да Ел­­басыға, халыққа деген ақ­жар­қын тілектерін жасырмады. Биыл елі­міздің Тәуелсіздігіне 20 жыл. Осы­нау айтулы жылы біз офи­цер ретінде әскери қыз­меті­мізді бас­тай­мыз. Бұл бізге үлкен міндет пен зор жауапкершілік жүктейді. Біздер – егемен елдің жас офицерлері бар күш-жігерімізді Қа­ру­лы Күштер қа­та­рын нығайтуға жұмсаймыз. Тәу­елсіз Отаны­мыз­ға, Қазақ­стан халқы мен оның Тұңғыш Президентіне адал қыз­мет етуге ант етеміз! – деді сымдай тар­тыл­ған ел ертеңінің ерлері. Александр ТАСБОЛАТОВ.