09 Шілде, 2011

Жасампаздық нәтижесі

231 рет көрсетілді
Бұл күндері Қазақстан парламентшілері ЕҚЫҰ Пар­ламенттік Ассамблея­сы­ның жыл сайынғы 20-сес­сиясы өтіп жат­қан Белградта (Сербия) Тұрақ­ты комитет отырыстары ая­сын­дағы сай­лауды байқау жө­ніндегі миссиялар есептерін тал­қылауға қатысты, деп ха­бар­лады Пар­ламент Сенаты­ның бас­па­сөз қызметі. ЕҚЫҰ миссиясының бас­шы­сы, қысқа мерзімді бай­қаушылардың үйлестірушісі Т.Пицула Қазақстанда өткен президенттік сайлау туралы ақ­паратты таныстырды. Қазақстанда өткен президенттік сайлаудың нәтиже­лерін жоғары бағалаған хорват парламентшісі сайлау үде­ріс­тері­нің ашықтығын және қазақ­стандық билік тарапы­нан ха­лық­аралық байқаушы­ларға жан-жақты көмек көр­се­тіл­ге­нін атап өтті. ЕҚЫҰ ПА вице-президенті А.Козловский, Нидерланды депу­таты Д.Чоруз, Беларусь парламентшісі В.Гуминский Т.Пицулаға қолдау білдірді. Талқылау барысында сөз алған Парламент Сенатының депутаты Әділ Ахметов президенттік сайлаудағы Қазақстан басшысы Н.Назарбаевтың же­ңі­сі «әділетті және экономи­ка­лық қуатты, әлеуметтік тұрақ­ты және демократиялық мемлекет құрылысындағы көрнекті жасампаздық қызметінің шы­на­йы нәтижесі болды», деп атап өтті. Ә.Ахметов атап өткендей, Қазақстан алдағы уақытта қо­ғамды одан әрі демо­кратия­ландыру саласындағы жаңғы­ру­ларды жалғастыруға ниеттеніп отыр. Осыған байла­ныс­ты депутат Президент Н.На­зар­баевтың инаугурация­дағы сөзі­нен үзінді келтірді: «...Келесі парламенттік сайлаудан бастап Парламент біздің Конс­­титу­ция­мызда жазылған­дай, көппар­тия­лы болады. Бұ­қаралық ақ­парат құралдары­ның мәселе­лері, бүкіл әлем­дегі­дей, сіздер­дің назарлары­ңызда болады...». Бұл күндері Белградта өтіп жатқан ЕҚЫҰ Парламенттік Ассамблеясының жыл сайынғы сессиясының басты тақырыбы «ЕҚЫҰ тиімділігі мен іскерлігін нығайту: Астана саммитінен кейін жаңа старт» деп аталады. Отырысқа Сенаттың Ха­лық­аралық қатынастар, қорға­ныс және қауіпсіздік коми­теті­нің төрағасы Қуаныш Сұл­­танов бастаған қазақ­стандық парламентшілер Әділ Ахметов, Светлана Бычкова, Төлебек Қосмамбетов қа­тысуда.
Соңғы жаңалықтар

Жыл сөзі

Әлем • Бүгін, 20:36

Энергетика – экономика драйвері

Экономика • Бүгін, 20:31

Құлдырамайтын құндылық

Таным • Бүгін, 20:20

Ұқсас жаңалықтар