09 Шілде, 2011

Телефон арқылы сөйлесті

176 рет көрсетілді
Қазақстан Республикасының Президенті Нұрсұлтан Назарбаев пен Ресей Федерациясының Президенті Дмитрий Медведев телефон арқылы сөйлесті, деп хабарлады Қа­зақ­стан Рес­публикасы Президентінің баспасөз қызметі. Дмитрий Медведев Мемлекет басшысын туған күнімен құттықтап, ең ізгі тілектерін, денсаулық, игілік пен Қазақ­стан­ның жоғарғы мемлекеттік қызметінде одан әрі табыстар тіледі. Әңгімелесу барысында мем­лекет басшылары ағымдағы жыл­дың тамыз – қыркүйек ай­ларына жоспарланған көпжақ­ты форумдар аясындағы бай­ланыс жоспарын талқылап, ай­мақтық тұрақтылық пен қау­­іпсіздікті қамтамасыз ету ісіндегі үйлесімділікті терең­дету мәселесін қозғады. Сонымен қатар, Ресей Президенті Нұрсұлтан Назар­ба­ев­қа құттықтау жолдады. «Сіздің бай саяси тәжі­ри­беңіз, Мемлекет басшысы ретіндегі қарқынды және жемісті жұмысыңыз қазіргі Қазақ­стан­ның әлеуметтік-экономи­калық дамуында тамаша жетістіктерге, халықаралық аренада жоға­ры беделге қол жеткізуіне мүм­кіндік берді. Ресей Феде­рациясы мен Қазақстан ара­сын­дағы көп жоспарлы стра­тегиялық әріптестіктің те­рең­деуіндегі Сіздің жеке үле­сі­ңізді ерекше атап өткім келеді. Күн тәртібіндегі екіжақты жә­не халықаралық маңызды мә­се­лелер бойынша сенімді, сын­дарлы талқылау мен шешім қабылдау үшін мықты негіз болып табылатын қалып­тасқан жылы қарым-қаты­на­сы­мызды жоғары бағалаймын. Қар­қын­ды әрі жемісті саяси үнқатысу болашақта Ресей мен Қазақ­стан арасындағы одақ­тық қа­рым-қатынастың бар­лық кешенді үдемелі да­му­ын­да, өзара мүдделілік тудыра­тын сала­лар­дағы ауқымды жобаларды жү­зеге асыруда негізгі рөл атқа­ратын болады деп сенемін. Еуразия кеңіс­ті­гінде интеграция­лық үдеріс­тер­ді нығайтудағы Сіздің абы­рой-беделіңіз бен танымалды­ғыңыз сенімді ниеттестігін көр­сетуде. Сіздің ба­рынша дәйекті күш-жігері­ңіз­дің арқа­сында Кеден одағын құру мен Бірыңғай экономи­калық кеңіс­тікті қалыптастыру идеясы іс жүзінде табысты жү­зеге асты. Аймақтық бірлестіктер, соның ішінде ТМД, ҰҚШҰ, Еур­Аз­ЭҚ, ШЫҰ ая­сын­дағы өзара іс-қимылды ты­ғыз үйлестірудегі қадамдар Еу­ра­зиядағы бейбітшілік пен тұ­рақтылық мүд­де­сіне – оларды одан әрі да­мы­туға және жетілдіруге мүм­кін­дік туғызады деп санаймын», делінген Дмитрий Медведев­тің құттықтауында.
Соңғы жаңалықтар

Ұлы Жамбыл мұрасы ұлықталды

Руханият • Бүгін, 00:33

Ұқсас жаңалықтар