Құжатта өрілген тарих

Тарихи құжаттың ұлт шежіресі үшін алар орны тым бөлек. Құ­жаттардың салмағын халыққа жет­кізу үшін кеше Қазақстан Рес­публикасының Ұлттық мұра­ғаты ел Тәуелсіздігінің 20 жыл­дығына арналған «Тәуелсіз Қа­зақстан: бейбітшілік пен жасам­паздықтың 20 жылы» атты құ­жат­тық көрме ұйымдастырды. Құжаттық көрменің экспо­зи­ция­сы 7 бөлімнен тұрады. «Нұр­сұлтан Әбішұлы Назарбаев – Қа­зақстан Рес­публикасының Президенті – Ел­басы» атты бөлімде Қа­зақстан Рес­публикасының 1995 жылдың 26 жел­тоқсанындағы «Қа­зақстан Рес­пуб­ликасының Президенті туралы» Конституциялық заңы, 1991 жыл­дың 10 желтоқ­са­нындағы Қазақ­стан Республик­а­сы Жоғарғы Кеңе­сінің «Қазақ­стан Республикасы Прези­ден­тінің қызметіне кірісуі ту­ра­лы» қаулысы сынды ел президенті қызметіне байланысты көп­теген құжаттар қой­ылған. Ал «Қазақстан Респуб­ли­касы Конс­титуциясының қабыл­да­нуы», «Қа­зақстан Респуб­ли­­ка­сы­ның мемлекеттік рәміздері», «Қа­зақстан жә­не халықаралық ұй­ым­дар», «Қа­зақстан – 2030 стра­те­гиясы – экономиканың қазақ­стан­дық үл­гі­сі», «Арманы биік Астана» атты бөлімдерде де түрлі мазмұны те­рең, тағылымы мол құжаттарды кездестіре аласыз. Көрмеге Қазақстан Республи­касының Ұлттық мұра­ғаты, Ор­та­лық мемлекеттік мұрағат пен Ор­та­лық мемлекеттік кинофо­то­құ­жат­тар және дыбыс жазбалар мұра­ға­тының 250 мұрағаттық құ­жат­тары мен материалдары іріктеліп алын­ған. Сондай-ақ, алғаш рет «Астанагосархитектура» ЖШС-нің фотоқұ­жат­тары мен Астана қаласында бой көтерген ғима­рат­тар макеттері мен «Казахстанская правда» газетінің фо­тотілшісі И. Бургандиновтың жеке мұра­ға­тын­дағы суреттер қойылған. Көрменің салтанатты ашылу рәсімінде сөз сөйлеген Байланыс және ақпарат министрлігі Ақпа­рат және мұрағат комитеті төр­аға­сының орынбасары Ербол Шай­мерден өтіп жатқан құжат көр­ме­сінің маңыздылығына тоқ­талды. Көрмеге келушілер құжат­тар­дан бөлек ел Тәуелсіздігіне арна­лып түсірілген қысқаметражды деректі фильмді де тамашалады. Арай ҮЙРЕНІШБЕКҚЫЗЫ.