Жас сарбаздар ант қабылдады

Сенбі күні Орал гарнизонында орналасқан 5517 әскери бөлімнің жас сарбаздары ресми түрде ант қабылдады. Осы көктем айларында әскерге шақырылып, сарбаз атанған жас­тардың басым бөлігі Шығыс Қазақстан, Жамбыл облыстары өңірлерінен келгендер. Ант қабылдау рәсіміндегі салтанатты жиынды полк командирі, полковник Т.Дүйсемәлиев құттықтау сөзбен ашты.Өз кезегінде 5517 әскери бөлімінің ардагерлері төрағасының орын­басары запастағы майор Марат Әбдрахманов, құқық қорғау органдарының басшылары, дін өкілдері және сарбаздардың ата-аналары ақ тілектерін айтып ұлдарына баталарын берді. Осындай қуанышты сәт арасында бүгінгі ант қабылдаған жас сарбаздардың ата-ана­лары­мен де тілдесудің ыңғайы келген еді. Солардың бірі – Өскемен қаласынан ат терлетіп келген Беткеевич Людмила туған ұлы жас жауынгер Станислав Беткеевич Отан қорғаушысы болғанына қуаныштан жүрегі жарылардай болып тұрды. «Баламның әскери борышын өтеп жатқан жерін, оның командирлерін көріп қөңі­лім тоғайып тұр. Оның үстіне бұрын әскер екі жыл екі-ақ күн емес пе деуші еді, енді бір жыл деген уақыт па. Қазір-ақ өте шығады ғой. Тек еліміз тыныш, халқым аман болып, аспанымыз ашық болсын», – деді ол. Шара аяқталған соң ант беру рәсіміне жиналған меймандар казарма үй-жайына, сарбаздар асханасына, медициналық бекетке кіріп, бөлімнің тыныс-тір­ші­лігімен танысты. Қалалық мәде­ниет үйінің әншілерінің өнерін тамашалағаннан кейін жауын­герлердің туған-туысқан­дары бө­лім басшылығына ал­ғысқа толы жылы сөздерін білдірді. Ерболат СҰЛТАНОВ, капитан. Орал.