Әлеуеті де, сәулеті де артып келеді

Елбасы жүргізіп отырған сарабдал саясаттың арқасында Қазақ­стан даңғыл жолға түсті. Оны дамудың даңғыл жолы десек, ақиқаттың ауылына ат байла­ғанымыз. Тарих үшін қас қағым сәт бол­ғанымен, азаттық­тың жиырма жы­лын­да мемлекеттің мерейі өсті, экономикасы алға басты, әлеуметінің әлеуеті артты. Әлемдік аренада Қазақстан аты айшықталды. Қысқасы, осы жылдар аралығында мемлекет жан-жақты дамыды. Жиырма жылда жеткен жетістігіміз мол. Оны санамаласақ, аламан бәйгеге қосыларымыз анық. Ауыл-елдің өркендегені, төрт түліктің түлегені, шатқаяқтаған шаруашылықтың түзелгені, егіс алқабының дәнге толғаны секілді қадау-қадау тақырыптарды қозғасақ, қиссаға бергісіз әңгіме шығары әмбеге аян. Осы күні «тәуелсіздік бізге не берді?» дейтіндер бар. Әсілінде, бұл сұрақты «тәуелсіздікке біз не бердік?» деп қою керек шығар. Азаттықтың қазаққа бергені көп. Ал біз не беріп жүрміз? Осы орайда, Қазалы ауданының тәуелсіздіктің жиырма жылына тартуы жайлы әңгіме қозғай кетсек дейміз. Ел тәуелсіздігінің 20 жыл­дығы қарсаңына аудан бойынша кәсіп­керлік саласында бірқатар нысан­дар пайдалануға берілмек. Атап айт­қан­да: «РЗА» АҚ сүт өнімдерін өңдеу зауыты, жеке кәсіпкер Б.Абдрей­­мо­ва­ның күні­не 10 тонна нан өнім­дерін шыға­ра­тын нан зауыты мен ұн сақтау қоймасы, «Қазалы­Құ­ры­лыс» ЖШС-ның асфальтбетон зауы­ты, темірбетон шы­ғаратын өндіріс­тік цехы, «Асыл­Ғани» ЖШС-ның құ­рылыс­қа қажетті темірбетон бұйым­дарын шығаратын өндірістік цехы, «Қазалы тепловоз жөндеу зауыты» вагондарды сумен тазалау цехы, жеке кәсіпкер Ш.Имандосованың қо­нақ үй қызметі, «Жеңіс» шаруа қо­жалығының шұбат, ет өнімдерін сату орталығы, «Сыр Маржаны» ЖШС-ның әмбебап сауда орталы­ғы, жеке кәсіпкер Н.Баекешовтің кеңсе тауарларын сататын сауда ор­талы­ғы, жеке кәсіпкер М.Із­бас­қанова­ның қыз­мет көрсету ор­та­лы­ғы, жеке кә­сіпкер Ж.Нұра­динова­ның әмбе­бап сауда орталығы секілді нысандар халық игілігі үшін қызмет қылмақ. Сонымен қатар, 600 орындық мектеп құрылысының жоба-сме­талық құжаттары әзірленіп жа­тыр. Аталған мектептің құрылы­сына да қаржы қаралып, құры­лыс-монтаж жұмыстары биыл басталады деп күтілуде. Сондай-ақ, республика­лық бюджеттен Әй­теке би кентінен 280 орындық балабақша құ­ры­лысын салуға 313,396 млн. тең­ге қаралған, құ­ры­лыс-монтаж жұ­мыстары бас­тал­ды. Бұдан бөлек, Қазалы қа­ласынан 300 орындық №16 мектептің құрылысы, Әйтеке би кентінен 300 орындық мәдениет үйінің құрылысы, Әйтеке би кентінен 140 орындық «Айгөлек» бала- бақшасының құрылысы жүр­гізі­леді. Ауданның бірқатар елді мекендерінде медициналық бекеттер мен дәрігерлік амбулаториялар са­лынады. Тұрғын үй-коммуналдық ша­­р­у­а­­шылығы, автомобиль жол­дары және жолаушылар тасы­ма­лы сала­сы бо­йынша Әйтеке би кентінде – 14 және Қазалы қала­сын­да 5 кө­ше­ге жөндеу жұ­мыстары жүреді. Ау­дан­дық ма­ңы­зы бар автомобиль жол­дарын орташа және ағымдағы жөн­деуге 46,746 млн.теңге, «Әй­те­ке би – Басықара» аудандық маңы­зы бар автомобиль жолының 2,4-10,5 шақырым аралығын орташа жөн­деуге 98,0 млн.теңге (орташа жөн­деу барлығы 144,7 млн.тең­ге), Әйтеке би кенті бойынша 2 көшеге бағдаршам орнатуға 4,5 млн.теңге, елді мекендерде орна­лас­қан сумен жабдықтау нысан­дарын күтіп ұс­тауға 8,941 млн.теңге, Байхожа ло­кал­ды су жүйе­лерін қайта жаңғыр­ту жоба­сы­ның жоба-сметалық құ­жаттарын әзірлеу және сараптамадан өткізуге 15,442 млн.теңге, Ақ­суат елді ме­кенінің сумен қамту жүйелерін қайта жаңғырту жоба­сына қо­сым­ша сервистік желілерін жүр­гізу­ге жоба-сметалық құжат­тарын әзірлеу және мемлекеттік сараптамадан өткізуге 1,7 млн.тең­ге, Әйтеке би кенті көшелерін түн­гі жарықтандыру және жол жөндеу жұмыстарына 40,0 млн.теңге, аудан орталықтарын электр­мен жабдық­тау жүйесін дамытуға Әйтеке би кенті 99 млн.теңге (барлығы 459,329 млн.теңге) қаралған. Қазақстан Республикасының Тәуел­сіздігінің 20 жылдығы қар­саңында Қазалы ауданы елді ме­кендердің сәулеттік келбетін жақ­сарту да басты мақсат болып отыр. Әйтеке би кентінен «Тәуел­сіздіктің 20 жылдығы атындағы» жаңа квартал ашылады. Одан бө­лек Ауған соғысында қаза тап­қан қазалы­лықтарға арналған тағзым алаңына абаттандыру жұмыстары жүргізіл­ді. Әйтеке би кентінің орталық кө­шелерін, алаңдар мен гүлзар­лар­ды, сая­бақ­тарды, ескерткіштерді абат­тандыруға байланыс­ты гүл кө­шеттерін, газондар мен гүл табақ­шаларын орналастыру жос­пар­ланып отыр. Әйтеке би ескерткішін қайта бейімдеу, абат­тандыру, Бекарыстан би ауылы­ның орталық «Тәуелсіздіктің 20 жыл­дығы» алаңын абаттандыру, стелла орнату жұмыстары да өз дең­гейінде жүріп жатыр. Ал «Жеңіс» саябағындағы «Наурыз» алаңын абаттандыруға 3,7 млн. теңге бөлінді. Сондай-ақ Қазалы ауданы Әйтеке би кентінен 4 спорт алаңы және Бекарыстан би, Қожабақы, Мұратбаев, Басы­қара, Жалаңтөс батыр ауылдары­нан спорт алаң­да­рын (барлығы – 9 алаң) салуға барлығы 45 млн. теңге, Әйтеке би кентіндегі Жа­лаң­төс Баһадүр атын­­дағы ста­дион­ды қайта жаң­ғырту жұмыс­тарына 37 млн.теңге қарасты­рыл­ды.  Ғ.Мұ­рат­баев ауы­лын­дағы ауылдық мә­дениет үйін күр­делі жөндеу жұ­мыс­тарына 18 млн.теңге қаралды. Сонымен қатар, Жанқожа ба­тыр, Самал бауын, Даңқ алаңын абат­тандыру, Тәуелсіздік стелла­сын орнату биылғы жылдың үле­сіне тимек. Қазалы мөлтек ауда­нының Астана, Тәуелсіздік кө­ше­лерін жә­не айналма жолдарын көр­кейту-көгалдандыру құны 67,7 млн.теңге жобалары әзір­леніп, жал­пы құны 114,2 млн теңге жо­балары Тәуел­сіздіктің 20 жыл­ды­ғын атап өтуге дайындық және оны өткізу жөнін­дегі облыстық ұйым­дастыру комитетіне ұсы­нылды. Қазалылықтардың Тәуелсіз­дік­тің жиырма жылдығына тар­туы қысқаша баян еткенде осын­дай болмақ. Дегенмен, аудан осымен шектеледі деген ой әсте болмауы керек. Өйткені, Тәуел­сіз­дік қа­сиетті ұғым. Ал біздің аудан қа­сиет­ті та­ныған, қадір тұтқан ежелден. Сон­дықтан азат­тық атын ай­шықтауға, Тәуел­сіз­дікті тұғырлы етуге жұмыс жасай бермекпіз. Айтбай КӨШЕРБАЕВ, Қазалы ауданының әкімі.