Кедергілер кеми түспек

Көлік және коммуникация министрлігінде министр Берік Камалиев әкімшілік кедергілерді қысқарту мәсе­лелеріне байла­ныс­ты кеңей­тілген кеңес өт­кізді. Онда бизнес-құрылым­дар­дан түс­кен құрылыстарға бақы­лау және тексеру қызметін жү­зеге асырудағы бірқатар мә­селе­лерді шешу, сондай-ақ көлік қызметі рыногындағы әкімшілік жүктеулерді қыс­қартуға ба­ғыт­­талған шаралар мәселелері талқыланды. Тек қана көліктік бақылау сала­сында рұқсат беру құжат­тарының 40 пайыздан астамы қысқартуға жатады. Бірқатар рұқсат беру құжаттары мен функциялар бәсекелі ортаға жіберіледі. Мемлекеттік қыз­мет­керлер мен өтініш бе­ру­шілердің тікелей қатынастарын болдырмау мақсатында кө­ліктік бақылау органдары көрсететін алты мемлекеттік қызмет ХҚКО-ға баламасыз негізде беріледі. Аталған қыз­меттерді 2012-2014 жылдары аралығында автоматтандыру қарастырылған. Көліктік бақылау бекеттері оңтайландырылып, Көлік және коммуникация министрінің бұй­рығымен тоғыз стацио­нар­лық бекет қысқартылған. Со­нымен қатар көліктік ба­қылаудан өткен соң ілеспе құжаттарда бекет мөртаңбасы қойылады. Бұл оның бақы­лаудан өткенін және басқа бекетте қайтадан өтпеуін растайды. Құқық қорғау жүйесін реформалау шеңберінде 2012 жылғы 1 қаңтардан бастап кө­лік құралдарының міндетті техни­калық байқаудан өтуі бә­секелі ортаға беріледі. Тех­никалық бай­қаудың жаңа тәр­тібі әлемдік тәжірибеге негізделген. Германия, Нидерланды, Франция сынды өзге де еу­ропалық елдерде белгіленген нормалар қабыл­данған. Барлық қажетті құқық­тық және ұй­ымдастырушылық мәселелер шешімін тапса, кә­сіпкерлік субъектілермен техни­калық бай­қау орталықтарын ашу бо­йынша жұмыс белсенді түрде жүргізілуде. Сондай-ақ бес мыңнан астам жаңа жұмыс орындарының ашылуын ұйым­дастыру да алдағы уақытқа жоспарланған. Ұлттық халықаралық автомобиль тасымалдаушылардың рыногын қорғау бойынша да жұмыс күшейтілуде. Ағым­дағы жылдың шілде айының соңына дейін үшінші елдерден екі жақты түрде тасымал­дауларды іске асыруды бол­дыр­мауды көздейтін «Халық­аралық автомобиль тасы­малдау рұқсат жүйесін қолд­а­ну бойынша ережелерді бекіту туралы» Үкімет қаулысының жобасына түзетулер енгізілмек. Бұдан басқа ауыр сал­мақты жүкті тасымалдауға арнайы рұқсат беру тәртібінің келісушілік органдардың, келісу мерзімдерін және оңай­латуын көздейтін қаулының жобасы Үкімет қарауына енгізілген. Әбдірахман ҚЫДЫРБЕК.