Телефон арқылы сөйлесті

Кеше Мемлекет басшысы Нұрсұлтан Назарбаев Өзбекстан Рес­публикасының Президенті Ислам Каримовпен телефон ар­қылы сөйлесті, деп хабарлады Қазақстан Республикасы Президентінің баспасөз қызметі. Әңгіме барысында  Мемлекет басшысы Өзбекстандағы жер сілкінісі кезінде адамдардың құрбан болуына байланысты шын жүректен көңіл айтты. Нұрсұлтан Назарбаев мерт болғандар мен зардап шеккендердің туыстары мен жақындарына арналған өзінің көңіл айтуын да жеткізді. Мемлекет басшысы жер сілкінісінің зардаптарын жоюға кеңінен қолдау мен көмек көрсетуді ұсынды. Сонымен қатар, Мемлекет басшысы Нұрсұлтан Назарбаев пен Өзбекстан Президенті Ислам Каримов екі елдің ынтымақтастығын одан әрі дамытудың бірқатар мәселелерін талқылады. Атап айтқанда, өнеркәсіп және ауыл шаруашылығы салаларындағы белсенді эконо­ми­калық ықпалдастық мәселелері жөнінде пікір алысты.