«Ақжелкенде» көңілді

Балалардың жазғы дема­лы­сының дұрыс ұйымдас­тырылуы, олардың білімге деген ынтасын арттыратыны анық. Жарма ау­даны, Жалғызтөбе кентіндегі орта мектеп басшылары осыны алдын- ала ойластырған еді. Сөйтіп, бірінші ауысымда 135 баланың дема­лысын қолға алған болатын. Мұн­дай үрдіс жаз бойы жалғасын тауып келеді. Лагерьдің жақсы жұмыс істеуіне кент әкімі Е.Закимов те өз үлесін қосты. Ал ата-ана­лар­дың арасынан балалар дема­лы­сын дұ­­рыс ұйымдастыруға ұйыт­қы бол­ған Н.Малғаждарова екенін айта кетсек деймін. Сол секілді ауы­лы­мыздың жеке кәсіп­кері Ә.Орын­басарова да өз үлесін қосты. Қазір лагерьде жүрген балалар демалыс кезінде алуан түрлі шаралардың куәсі болып жүр. Мысалы, «Тапқыр достар», «Кө­ңіл­ді эстафета», «Мен нашақор­лыққа қарсымын», «Мені қорша­ған орта», «Астана – арман қала», тағы басқа да тақырыптар бо­йынша пікір алысулар ұйымдас­ты­рылып, қабырға газеттері шы­ға­рылып, сурет салудан, спорттық ойын­дардан сайыстар өткізілуде. Адамзаттың алыбы ақын Абай­дың туған жеріне саяхат жасау, оның шығармалары бойынша конкурстар өткізу жұмысы да оң шешімін тауып жатыр. Жалғызтөбе округі «Жас Отан» жастар қанатының жетекшісі Анар Тышқанбаева оқу­шылар­мен жүздесіп, Елбасы Нұрсұл­тан Назарбаевтың тәр­биелі де тәлімді, сауатты да са­ламатты ұрпақ өсіру жөніндегі сөздері бойынша ой-өрбітіп, мына лагерь соның нәтижесі деген ой-байламын алға тартты. Біздің Жалғызтөбе орта мек­тебінің «Ақжелкен» дема­лыс лагері жыл сайын осылай жақсы істерге ұйытқы болып, оқушы­лардың жазғы демалысын ұйым­дастырып келеді. Бұл оқушылар­дың бос уақытын тиімді пайда­лануына, теріс жолға түспеуіне әсер етуде, дейді лагерь бас­шысы Б.Рахматуллина. Ермек МНАФИЯНОВ. Шығыс Қазақстан облысы, Жарма ауданы.