«Эйр Астана» үздіктер қатарында

«Эйр Астана» ұлттық әуе тасы­малдаушысы өткен жылдың осы кезеңімен салыстырғанда отын­ның 35 пайызға қымбат­та­уына қара­мастан биылғы жылдың ал­ғашқы жартыжылдығында жо­ғары көрсеткішке қол жеткізді. Авиакеросин өндірістік қызмет шығын­дарының жалпы көлемінің 25 пайызын құрайды және шы­ғын­дардың ең ірі саласы болып табылады. Өткен жылдың осы уақытымен салыстырғанда, тасы­мал­данған жолаушылар саны 18,7 пайызға өсті және 1355113 жо­лаушыны құрады. Үстіміздегі жы­лы әуе компаниясы алты «Эм­браер 190» аймақтық ұшағының алғашқы екеуін алды және Ор­талық Азия қалаларына ұшу жиілігін көбейтті. Сонымен «Эйр Астана» Ресей­дің Самара қаласына, Грузия ас­танасы Тбилисиге жаңа рейстер ашты және осы жылдың соңында Гонконгке рейс ашуды жоспарлап отыр. Әуе компаниясы ұзақ мерзімді операциялық лизингке алын­ған 24 ұшаққа ие, сонымен қатар 2012 жылы жеткізілетін сегіз әуе кемелерін сатып алды (6 авиалайнер «Эйрбас 320», 2 авиалайнер «Эмбраер 190»). Жақын арада Қа­зақстан азаматтық авиациясы­ның көшбасшысы жаңа алыс магистральдік ұшақтарын сатып алу бойынша келісім-шартты жасауды жоспарлап отыр. Барлық әуе ке­мелерінің сатып алынуы мемлекет немесе акционерлер тарапынан суб­­сидияларды тартусыз яғни әуе­компанияның өзінің қаражаты есе­бінен жүзеге асырылады. Жуырда «Эйр Астана» әуе ком­паниялары қызметінің сапасын зерттеумен айналысатын Skytrax жетекші дүниежүзілік тәуелсіз агенттігінің сауалнамасы бо­йын­ша «Шығыс Еуропадағы үздік әуе ком­паниясы» номинациясында 2-ші орынға ие болды. Әуе тасы­малдаушы «Боинг 757» тобының ұшақтарындағы бизнес-класс са­ло­нын­да жатын креслоларды ор­нат­ты және үстіміздегі жылы «Боинг 767» ұшақтарында да осындай креслоларды құруға кірісті. Әуе тасымалдаушы (IOSA) операция­лық қауіпсіздігі бойынша аудиті ешбір ескертусіз өтті.  Авиа­ция­лық қауіпсіздік жөнін­дегі еуро­палық агенттіктің (EASA) тех­никалық қызмет көрсе­туге ар­налған лицензиясы Біріккен Ко­роль­дігінің азаматтық авиа­ция­сының органдарымен ұзартыл­ды. Бұдан басқа, Орталық Азия­дағы алғашқы болып табылатын  Ал­матыдағы жаңа өндірістік цех та EASA лицензиясын алды. Жа­қын уақытта бұл кешен әуеком­панияға «Эйрбас А 320» тобының ұшақ­тарына күрделі техникалық қызмет көрсетуін (С сheck деп ата­­латын) бастауға жағдай туғы­зады. Бұдан басқа ұлттық әуе­тасымалдаушы Флорида штатын­дағы Технологиялар инсти­ту­тын­да қазақстандық пилоттардың оқуын және сонымен қатар, Ұлыбритания және Сол­түстік Ирландия Біріккен Корольдігіндегі Бристольдік университетінде қа­зақ­стандық инженерлердің оқуын жалғастырып келеді. Бақыт БАЛҒАРИНА, Алматы.