Қазақта әйел қырық шырақты дейді. Бұл әйел адамның мықтылығы мен қадір-қасиетіне қатысты айтылған сөз. Өйткені әйел затының қолынан барлық іс келетінін бүгінгі өмір көрсетіп жүр. Біздің бұл сөзімізге маңғыстаулық Сәуле қажы Бердіханқызының бизнестегі жолы мен өмірлік ұстанымы дәлел бола алады.
Бүгінгі бейне:
Облыстың үздік кәсіпкері атанған Сәуле Жақаева белсенді қоғамдық жұмыстары үшін Елбасының Алғыс хатымен, «Қазақстан тәуелсіздігіне – 10 жыл» медалімен марапатталып, мейірімділігі мен жанашырлығы үшін облыс халқының алғысына бөленген жан. Мен өзімді өзім жарнамалаумен айналыспаймын, ал менің қайырымдылығым, қолұшын беруім конъюнктураға алым-салық емес, ол жай ғана адам баласына деген көмектесу ниетінен туған нәрсе. Менің дінім маған өзгелердің қайғысын көре отырып, қол қусырып қарап отыруға мүмкіндік бермейді, дейді Сәуле қажы. Ибалы мінез-құлық пен терең діншілдігі қажы апамыздың барлық ісінің табыспен ұштаса аяқталуына бір себеп секілді. Қажы апа Алланың ақ жолында жүрген жанның кез келген істе демеуі мен сенімі мол болатынын тағы да бір айқындап отыр.
Бұрынғы бейне:
Барлығы да нөлден басталды.
Інілерім мен анама көмектесу үшін бар жауапкершілікті ерте мойынға алуға тура келді. Әкем дүниеден ерте қайтты.
1985 жылы оқу мен жұмысты қатар ала жүріп, «Маңғышлақнефтестрой» тресінде кассир болып жұмыс атқардым. Сөйтіп еңбек тәжірибемнің парағы 18 жасымда ашылды. 1987 жылы облыстық тұтынушылар одағының көтерме сауда базасына қойма меңгерушілігіне жолдама алып, 1990 жылы № 48 УРСа ПГМК дүкенінің директоры болдым. Атқарушылық тәртібім, жауапкершілігім маған кез келген қиын мәселені орындай алуыма мүмкіндік берді. Еңбек өтілімнің басынан бастап алға және жоғары жылжуы мен үшін қалыпқа айналды.
Мен әрдайым қым-қуыт тіршілікпен қоса адамдардың жетіспеушілігін, қажеттілігін сезінетінмін. Оларға көмектесіп, қуаныш сыйлауға тырысып жүрдім. Біз азық-түлік, киімдер мен керекті заттар сатып алып, қай жерге қажет болса сонда апарып жүрдік. Жанымда балаларым болды. Бірақ мен мұнымен тоқтамай, қайырымдылық қорына кіргім келді. Осылайша 1997 жылы қажылыққа бардым. Кеңес сұрап, бата алғым келді. Алла күшімді нығайтып, қажылықтан келе «Мұхаммед» ЖШС деп аталатын ұйымды жолдасым екеуміз құрып, басы-қасында болдық. Мұнда менің көмекшілерім, пікірлестерім көп, ал серіктестік қайырымдылықтың үлкен бағдарламасы бойынша жұмыс жасап жатыр.
Кейінірек менде өнімі халқыма пайдалы болатындай және адамдарға көмектесе алатындай өнім өндіретін кәсіпорын ашу туралы идея пайда болды. Бұл да бірінші Алланың, екінші жолдасымның қолдауы арқылы жүзеге асты, дейді Сәуле қажы.
Сәуле қажы Бердіханқызының бизнес саласында табысты, жемісті болуының сыры Маңғыстау облысының тың бастамаларға жол салып, кәсіпкерлік ашып, облыстың сауда және әлеуметтік инфрақұрылымын бұдан әрі жақсырақ, үлкенірек дамытудағы үздіксіз алға ұмтылуына байланысты. Кәсіби деңгейін тұрақты көтере отырып, ол қарапайым сатушыдан Маңғыстау облысындағы ірі ЖШС-лардың бірінің директорлығына дейін көтерілді.
«Мұхаммед» ЖШС кәсіпорнын жолдасым екеуміз Приозерный ақсақалдарының батасымен аштық. Оның ашылуымен 60 адамды жұмыс орнымен қамти алдық, сондай-ақ ондағы жұмысшылардың 95 пайызы нәзік жандылар. Әйелдерді оқытып, жұмысқа тұрғызу, көп балалы отбасыларына көмек, серіктестік жұмысшыларына және қала тұрғындарына дастарқан жаю кәсіпорынның игі дәстүріне айналды.
1999 жылдан Сәуле қажы Бердіханқызы Қазақстанның іскер әйелдер ассоциациясының Маңғыстау облыстық филиалын басқарады. Жұмыс барысымен аудандарда жиі болып, аймақтың белсенді және мақсаткер әйелдерін бір ұжымға жинады. Көп ұзамай қажы апамызға кәсіби халық емшілерінің Маңғыстау облыстық орталығын басқару да сеніп тапсырылады.
2003 жылдан бастап Маңғыстау облысы әкімі жанындағы әйелдер ісі және отбасылық-демографиялық саясат жөніндегі ұлттық комиссия төрағасының орынбасары болып қызмет атқарамын. Ассоциация аясында «Әйелдер жарлылыққа қарсы» акциясын өткіздік. Сондай-ақ Маңғыстау облысының алыс ауылдарындағы қартайған кісілер мен көп балалы аналарға сыйлықтар мен азық-түліктер таратылып, заңды құқықтар туралы консультациялар беріледі. Облыстық аурухана дәрігерлері де үлес қосып, бізбен бірге аралайды. «Мұхаммед» ЖШС Құрық, Ақжігіт ауылдары мен Жаңаөзен қаласында, облыстық зағиптар және мылқаулар қоғамына, қарттар және балалар үйіне, қалалық мүгедектер қоғамына, облыстық «Балдырған» қорына, ҰОС ардагерлеріне тұрақты көмек көрсетеді. Приозерный ауылының балалары біздің назарымыздан ешқашан тыс қалған емес, олар үшін алғашқы қоңырау күні мен Жаңа жылда мерекелік мектеп ертеңгіліктерін жасаймыз.
Бала кезімде көп балалы болсам деген арманым болатын. Өйткені өзім үлкен отбасыдан шықтым және көп балалы отбасыға келін боп түстім. Аллаға шүкір, мақсатым орындалды. Азаматым Бәйімбет Әлімбетұлы Молдақадыров екеуіміз екі ұл, үш қыз тәрбиелеп отырмыз.
Отбасылық және қоғамдық қызмет міндеттерін бір арнаға тоғыстырып, қалай алып жүресіз? Біз Сәуле Бердіханқызына осындай сауал қойдық.
Мұның барлығы азаматым Бәйімбет Әлімбетұлының арқасы. Балаларым да көмектеседі. Бизнесімнің екінші тармағы 2002 жылы басталған, «Жаңаөзен сүт өнімдері зауыты» ЖШС-ның басшылығына келуіммен үлкен жұмыстар атқарылып, табысқа жеттік деп сеніммен айта аламын. Құлағалы тұрған ғимаратқа толыққанды күрделі жөндеу өткізіліп, жаңа заманауи құрал-жабдықтар, мұздатқыштар сатып алынды. Зауыттың іске қосылуы жаңаөзендіктер мен біздің отбасымыз үшін нағыз мерекеге айналды десем артық айтқандық емес. Өндіріске мамандар қайтып келді. Жақында біз өндірістің қайта жаңғыруы мен 30 жылдық мерейтойын атап өттік. Зауыт ашылғаннан бастап еңбек еткен тәжірибелі мамандар бейнесінде сенімді тірек таптым. Жұмылып жұдырық болып, біріккеніміздің нәтижесінде жақсы көрсеткіштерге жеттік. Ал 2005 жылға қарай бірден 4 мақсатымызды шешіп алдық. Зауыт шығаратын өнім түрін көбейтіп, таралу рыногын кеңейтіп, жаңа технологиялар енгіздік. Сондай-ақ фирманың арнайы қаптамасын жасап шығардық. 2006 жылы халықтың сүйікті сусыны түйе сүтінен өндірілетін шұбатты өндіріске шығару туралы жоспар жасадық. Біз шығаратын сүт өнімдері Жаңаөзенде ғана емес, облыста да үлкен сұранысқа ие. Ал Алматы және Астана қалаларына жаңа өнім жиыны ұшақ арқылы жиі жеткізіліп тұрады. Өнімнің сатылатын аумағы мен қамтамасыз ету жағы, сапасы жоғары болғандықтан зауыттың ісі жақсы жолға қойылды. Бұл біздің бизнесіміздің өрістеп келе жатқанын көрсетеді. Ол кісі осылай дейді.
Бизнестегі табысы мен қоғамдық қызметінің табысты сырын ең алдымен отбасы, жолдасының қолдауы мен алатын және айналадағы адамдармен бөлісетін махаббаты деп есептейтін жан діні мен діліне берік. Өз бақытын байлық пен даңқтан емес, елінің бірлігі мен болашақ абыройынан іздейтін жан басқа бақыт іздемейді де. Ізгілік пен жан мейірімін, қолұшын беруді дүниедегі мақсаты деп санайтын Сәуле апайымыз нағыз қырық шырақты әйел.
Венера ТҮГЕЛБАЙ,
Маңғыстау облысы.
Бүгінгі бейне:
Облыстың үздік кәсіпкері атанған Сәуле Жақаева белсенді қоғамдық жұмыстары үшін Елбасының Алғыс хатымен, «Қазақстан тәуелсіздігіне – 10 жыл» медалімен марапатталып, мейірімділігі мен жанашырлығы үшін облыс халқының алғысына бөленген жан. Мен өзімді өзім жарнамалаумен айналыспаймын, ал менің қайырымдылығым, қолұшын беруім конъюнктураға алым-салық емес, ол жай ғана адам баласына деген көмектесу ниетінен туған нәрсе. Менің дінім маған өзгелердің қайғысын көре отырып, қол қусырып қарап отыруға мүмкіндік бермейді, дейді Сәуле қажы. Ибалы мінез-құлық пен терең діншілдігі қажы апамыздың барлық ісінің табыспен ұштаса аяқталуына бір себеп секілді. Қажы апа Алланың ақ жолында жүрген жанның кез келген істе демеуі мен сенімі мол болатынын тағы да бір айқындап отыр.
Бұрынғы бейне:
Барлығы да нөлден басталды.
Інілерім мен анама көмектесу үшін бар жауапкершілікті ерте мойынға алуға тура келді. Әкем дүниеден ерте қайтты.
1985 жылы оқу мен жұмысты қатар ала жүріп, «Маңғышлақнефтестрой» тресінде кассир болып жұмыс атқардым. Сөйтіп еңбек тәжірибемнің парағы 18 жасымда ашылды. 1987 жылы облыстық тұтынушылар одағының көтерме сауда базасына қойма меңгерушілігіне жолдама алып, 1990 жылы № 48 УРСа ПГМК дүкенінің директоры болдым. Атқарушылық тәртібім, жауапкершілігім маған кез келген қиын мәселені орындай алуыма мүмкіндік берді. Еңбек өтілімнің басынан бастап алға және жоғары жылжуы мен үшін қалыпқа айналды.
Мен әрдайым қым-қуыт тіршілікпен қоса адамдардың жетіспеушілігін, қажеттілігін сезінетінмін. Оларға көмектесіп, қуаныш сыйлауға тырысып жүрдім. Біз азық-түлік, киімдер мен керекті заттар сатып алып, қай жерге қажет болса сонда апарып жүрдік. Жанымда балаларым болды. Бірақ мен мұнымен тоқтамай, қайырымдылық қорына кіргім келді. Осылайша 1997 жылы қажылыққа бардым. Кеңес сұрап, бата алғым келді. Алла күшімді нығайтып, қажылықтан келе «Мұхаммед» ЖШС деп аталатын ұйымды жолдасым екеуміз құрып, басы-қасында болдық. Мұнда менің көмекшілерім, пікірлестерім көп, ал серіктестік қайырымдылықтың үлкен бағдарламасы бойынша жұмыс жасап жатыр.
Кейінірек менде өнімі халқыма пайдалы болатындай және адамдарға көмектесе алатындай өнім өндіретін кәсіпорын ашу туралы идея пайда болды. Бұл да бірінші Алланың, екінші жолдасымның қолдауы арқылы жүзеге асты, дейді Сәуле қажы.
Сәуле қажы Бердіханқызының бизнес саласында табысты, жемісті болуының сыры Маңғыстау облысының тың бастамаларға жол салып, кәсіпкерлік ашып, облыстың сауда және әлеуметтік инфрақұрылымын бұдан әрі жақсырақ, үлкенірек дамытудағы үздіксіз алға ұмтылуына байланысты. Кәсіби деңгейін тұрақты көтере отырып, ол қарапайым сатушыдан Маңғыстау облысындағы ірі ЖШС-лардың бірінің директорлығына дейін көтерілді.
«Мұхаммед» ЖШС кәсіпорнын жолдасым екеуміз Приозерный ақсақалдарының батасымен аштық. Оның ашылуымен 60 адамды жұмыс орнымен қамти алдық, сондай-ақ ондағы жұмысшылардың 95 пайызы нәзік жандылар. Әйелдерді оқытып, жұмысқа тұрғызу, көп балалы отбасыларына көмек, серіктестік жұмысшыларына және қала тұрғындарына дастарқан жаю кәсіпорынның игі дәстүріне айналды.
1999 жылдан Сәуле қажы Бердіханқызы Қазақстанның іскер әйелдер ассоциациясының Маңғыстау облыстық филиалын басқарады. Жұмыс барысымен аудандарда жиі болып, аймақтың белсенді және мақсаткер әйелдерін бір ұжымға жинады. Көп ұзамай қажы апамызға кәсіби халық емшілерінің Маңғыстау облыстық орталығын басқару да сеніп тапсырылады.
2003 жылдан бастап Маңғыстау облысы әкімі жанындағы әйелдер ісі және отбасылық-демографиялық саясат жөніндегі ұлттық комиссия төрағасының орынбасары болып қызмет атқарамын. Ассоциация аясында «Әйелдер жарлылыққа қарсы» акциясын өткіздік. Сондай-ақ Маңғыстау облысының алыс ауылдарындағы қартайған кісілер мен көп балалы аналарға сыйлықтар мен азық-түліктер таратылып, заңды құқықтар туралы консультациялар беріледі. Облыстық аурухана дәрігерлері де үлес қосып, бізбен бірге аралайды. «Мұхаммед» ЖШС Құрық, Ақжігіт ауылдары мен Жаңаөзен қаласында, облыстық зағиптар және мылқаулар қоғамына, қарттар және балалар үйіне, қалалық мүгедектер қоғамына, облыстық «Балдырған» қорына, ҰОС ардагерлеріне тұрақты көмек көрсетеді. Приозерный ауылының балалары біздің назарымыздан ешқашан тыс қалған емес, олар үшін алғашқы қоңырау күні мен Жаңа жылда мерекелік мектеп ертеңгіліктерін жасаймыз.
Бала кезімде көп балалы болсам деген арманым болатын. Өйткені өзім үлкен отбасыдан шықтым және көп балалы отбасыға келін боп түстім. Аллаға шүкір, мақсатым орындалды. Азаматым Бәйімбет Әлімбетұлы Молдақадыров екеуіміз екі ұл, үш қыз тәрбиелеп отырмыз.
Отбасылық және қоғамдық қызмет міндеттерін бір арнаға тоғыстырып, қалай алып жүресіз? Біз Сәуле Бердіханқызына осындай сауал қойдық.
Мұның барлығы азаматым Бәйімбет Әлімбетұлының арқасы. Балаларым да көмектеседі. Бизнесімнің екінші тармағы 2002 жылы басталған, «Жаңаөзен сүт өнімдері зауыты» ЖШС-ның басшылығына келуіммен үлкен жұмыстар атқарылып, табысқа жеттік деп сеніммен айта аламын. Құлағалы тұрған ғимаратқа толыққанды күрделі жөндеу өткізіліп, жаңа заманауи құрал-жабдықтар, мұздатқыштар сатып алынды. Зауыттың іске қосылуы жаңаөзендіктер мен біздің отбасымыз үшін нағыз мерекеге айналды десем артық айтқандық емес. Өндіріске мамандар қайтып келді. Жақында біз өндірістің қайта жаңғыруы мен 30 жылдық мерейтойын атап өттік. Зауыт ашылғаннан бастап еңбек еткен тәжірибелі мамандар бейнесінде сенімді тірек таптым. Жұмылып жұдырық болып, біріккеніміздің нәтижесінде жақсы көрсеткіштерге жеттік. Ал 2005 жылға қарай бірден 4 мақсатымызды шешіп алдық. Зауыт шығаратын өнім түрін көбейтіп, таралу рыногын кеңейтіп, жаңа технологиялар енгіздік. Сондай-ақ фирманың арнайы қаптамасын жасап шығардық. 2006 жылы халықтың сүйікті сусыны түйе сүтінен өндірілетін шұбатты өндіріске шығару туралы жоспар жасадық. Біз шығаратын сүт өнімдері Жаңаөзенде ғана емес, облыста да үлкен сұранысқа ие. Ал Алматы және Астана қалаларына жаңа өнім жиыны ұшақ арқылы жиі жеткізіліп тұрады. Өнімнің сатылатын аумағы мен қамтамасыз ету жағы, сапасы жоғары болғандықтан зауыттың ісі жақсы жолға қойылды. Бұл біздің бизнесіміздің өрістеп келе жатқанын көрсетеді. Ол кісі осылай дейді.
Бизнестегі табысы мен қоғамдық қызметінің табысты сырын ең алдымен отбасы, жолдасының қолдауы мен алатын және айналадағы адамдармен бөлісетін махаббаты деп есептейтін жан діні мен діліне берік. Өз бақытын байлық пен даңқтан емес, елінің бірлігі мен болашақ абыройынан іздейтін жан басқа бақыт іздемейді де. Ізгілік пен жан мейірімін, қолұшын беруді дүниедегі мақсаты деп санайтын Сәуле апайымыз нағыз қырық шырақты әйел.
Венера ТҮГЕЛБАЙ,
Маңғыстау облысы.
