Келісімге келер күн жақын

Әкімшілікке конгресте республикашылар оп­по­зициясы жетекшілерімен келісімге келудің сәті түсті, деп мәлімдеді АҚШ президенті Барак Обама. Осыған дейін екі партия өкілдері қолдайтындықтарын мәлімдеген уағдаластық Құрама Штаттардың мемлекеттік борышының лимитін сатылап көтеруді қарастырады және техникалық дефолттан құтылуға мүмкіндік береді. Түп­кі­лікті шешім конгресс мүшелеріне байланысты, деп атап көр­сеткен президент, оларды бірден бір мүмкін таңдау жа­сауға шақырды. Ақ үй заң шығарушылар жаңа келісімді сейсенбіге дейін мақұлдайды деп үміттеніп отыр. Шекарада болған атыс Израильдік және ливандық әскери қызмет­ші­лер 1 тамыз күні екі елдің шек­арасы маңайында бір-бірлеріне оқ атқан. Ливанның The Daily Star газетінің хабарлауынша, израильдік бірнеше солдат таңертеңгілік ерте шекараны кесіп өткен, осыдан кейін барып ливандық әскерилер оларға оқ атқан. Ал Израиль жағы болса, Ливан солдаты өз аума­ғын­да патрульде жүрген израильдік шекарашыға оқ атты деп мәлімдеп отыр. Ливан жағына жауап ретінде израильдіктер Ливан шекара­шы­ларының бақылау бекетін атқы­лаған. Екі жақта да шығын жоқ. Терорршы бет пішінін өзгерткен екен Көк көзді блондин Андерс Брейвик осыдан он жыл бұрын нағыз арийлік кейіпке ену үшін өзіне пластикалық операция жасатқан көрінеді. Бұл туралы Норвегиядағы екі бірдей тер­ор­рлық актіні ұйымдастырды деп айып­­талған «нор­вег атқышының» мектептес досына сілтеме жасай оты­рып, британның The Telegraph газеті хабарлаған. Оның жа­зу­ынша, Брейвик мұр­ны мен иегінің формасын өзгерткен. Опе­рацияны Амери­кадағы пластикалық хирург жасаған екен. Осыған дейін Брейвиктің ақыл-есінің бүтіндігін және оны қыл­­мыс­тық қудалау мүмкіндігін анықтайтын психиа­трия­лық сараптама 1 қарашаға дейін созылады делінген еді. Бі­рақ Нор­вегия сот медицина комитетінің басшысы оның ақыл-есін бү­тін емес деп тану мүмкіндігі өте аз деп атап көрсеткен. АҚШ сенаты Грузияның тұтастығын қолдады Америка сенаты Ресейдің Абхазия мен Оңтүстік Осетиядағы басқыншылық фактісін растайтын қарарды бірауыздан қабылдады. Ресей-грузин кикілжіңінің басталғанына үш жыл то­луы­на орайластырылған құжат, оны әзірлеушілердің бірі, се­натор Джейн Шахиннің айтуынша, Ресейге оның бір­қатар міндеттемелерді орындамағанын, атап айтқанда, грузин босқындарының кері қайтуына жол бермегенін еске салуы тиіс. АҚШ сенаты жұма күні Грузия аумағының тұтастығын мойындайтын және Ресейді өз әскерлерін Абхазия мен Оңтүстік Осетия аумағынан алып кетуге шақыратын қарарды бірауыздан мақұлдады. Сенаторлар  Мәскеуді 2008 жылғы Грузия мен Ресей арасындағы келісімнің барлық шарттарын орындауға қарай қадам жасауға шақырған. Сирия Ливияның жолын құшпақ Сирияға әскери басқын­шы­лық жасау оқиғаның одан әрі да­му­ы­н­дағы соншалықты бір алыс жат­қан нұсқа емес, деп мәлім­де­ген бри­тандық сырт­қы істер ми­нис­тр­л­ігінің бас­шы­сы Уильям Хейг. Ақпарат агенттіктері Хама қаласында үкіметке қарсы  наразылық шеруіне шыққандарға қарсы оқ атылғанын, онда ондаған адамның қаза тапқанын хабарлауда. Жергілікті билік болса, бәрін теріске шығарып отыр. БҰҰ Қауіпсіздік Кеңесі шұғыл отырыс өткізуге дай­ын­да­луда. Билік өз тарапынан әскери операциялар тәртіпсіз­дік­тер орнатып, жергілікті халықты үрейлендіріп отырған қарулы содырларға қарсы жүргізілуде деп мәлімдеп отыр. Қала үстіне үйірілген құйын Благовещенскіде болған, соңғы мәліметтер бой­ын­ша 80 миллион рубль шығын әкелген алапат құйын Ресей тарихында көп қабатты үй­ле­рі бар ірі қала аумағында орын ал­ған алғашқы табиғи апат, деп мә­лімдеген Ресей гидрометорталығ­ы­ның өкілі Александр Голубев. Жексенбі күні кешкілік 13 минут бойына қала үстінде алапат құйын үйіріліп тұрған. 23 адамға медициналық жәрдем көрсетіліп, олардың төртеуі облыстық клиникалық ауруханаға жеткізілген. Бір адам жарақат салдарынан қаза тапқан. Голубевтің айтуынша, 1984 жылы Иваново қаласының аумағында осындай алапат құйын орын алған, бірақ онда тек қаланың шет аймақтары мен бау-бақша кооперативтері ғана аздап зардап шеккен көрінеді. Түрмедегілердің жартысына жуығы босатылмақ Венесуэлада сотталғандардың жалпы санының 40 пайызына дейінін түрмеден босату мүмкіндігі қарастырылмақшы. Бұл жөнінде El Nacional газетіне берген сұхбатында Венесуэла жазаларды орындау жүйесінің басшысы Ирис Варела мәлімдеген. Таяу уақыттарда «болмашы қыл­мыс­тар» жасағаны үшін сотталғандардың 20 мыңға жуығы шартты мерзімінен бұрын босатылу мүмкіндігіне ие болуы мүмкін. Елдің пенитенциарлық жүйесі басшысының пікірінше, қоғам үшін қауіп-қатер тудырмайтындарды түзеу мекемелерінде ұстаудың еш мағынасы жоқ.  Ирис Варела ұрлық үшін сотталғандарды да осы санатқа жатқызып отыр. Соттал­ған­дарды  жаппай босатуға Венесуэла түрме­ле­рінің «аузы-мұрнына дейін» толып тұрғаны себепкер болған сыңайлы.

Интернет материалдары негізінде әзірленді.