«Менің Қазақстаным!» – елді сүюдің өнегесі болмақ

Отан Тәуелсіздігінің 20 жыл­дығын мерекелеу шараларына ұй­­ытқы болып отырған Мемлекеттік комиссияның шешімімен елімізде әлеуметтік қызмет, ден­саулық сақтау, қаржы саласының өкілдерінің, мәдениет пен өнер жұлдыздарының қатысуымен таяуда «Менің Қазақстаным!» атты іс-шаралар өтетін болады. Соның аясында ақпараттық түсінік жұ­мыстары жүргізіліп, жұртшы­лық­қа дәрігерлік, әлеуметтік кө­мек көрсетіледі. Сол секілді шал­ғай стансалар мен разъездерде тұратын тұрғындарға мәдени шаралар ұйымдастырылады. Мереке қарсаңында қазақ өне­рінің айтулы өкілдері Нұрға­ли Нүсіпжанов, Алтынбек Қо­разбаев, Роза Рымбаева, Мақпал Жүнісова, Жеңіс Сейдоллаұлы, Айжан Нұрмағамбетова, Ерлан Көкеев, Евгений Шахрай, Әлі­шер Кәрімов, «МұзАРТ» тобы және басқалар өздерінің ән әу­ездерімен жұртты тәнті етеді. Бұл шараның басты мақсатына келер болсақ, еліміздің аймақ­та­рын­да өмір сүріп жатқан аза­мат­тарға Тәуелсіздік күнінің шара­па­тын ұғындырып, айтулы мерекеге атсалысуға, өз үлестерін қосуға жігерлендіру. Мұнымен қатар, көрсетіліп жатқан мемлекет тарапынан қолдауды ұғын­ды­ру. Тәуелсіздіктің негізгі идеясы: бостандықты, бірлікті, тұрақ­ты­лықты жан-жақты насихаттау. Бұл айтулы бастама Елбасы Нұрсұлтан Назарбаевтың Қазақ­стан халқына арнаған биылғы Жолдауындағы тапсырмаларды жүзеге асыру, мемлекеттің жаңа әлеуметтік саясатының мәнін түсіндіру, саламатты өмір сал­тын насихаттау, Отанымыздың бар­лық аймақтарында тұратын жұрт­шылықтың жаңа мемле­кет­тің іргетасын қалаудағы мақ­та­ныш сезімі мен бірлігін паш етіп, келешекке деген сенімін нығайту. Осы арада шараға қатысу­шы­лардың нақты атқаратын жұ­мыс­тарын саралайтын болсақ, зей­нетақымен қамтамасыз ету және әлеуметтік сақтандыру, бос жұ­мыс орындары мен жалақы тө­леу, медицина ұйымдары өз кө­мегін ұйым­дас­тыру, жұртшылық­қа құ­қық­тық және заң бойынша кеңес беру, шағын және орта бизнесті қар­жыландыру, несиелендіру бой­ынша мағлұматтар береді, «Нұр Отан» ХДП партиясының өкілдерімен жүздесулер ұйым­дас­тырылады. Ал бұл салиқалы сапардың бірінші кезеңі – 10-20 тамыз ара­лығында Солтүстік-Шығыс бағы­ты, екінші кезеңі – 10-27 қыр­күй­ек аралығында Оңтүстік-Батыс бағыт, үшінші кезеңі – 25-26 қа­раша аралығында Алматы-Аста­на бағыты бойынша өтеді. Бір сөзбен айтқанда, бұл қадам, яғни «Менің Қазақстаным!» пойызы қазақстандықтарды ел тәуелсіз­ді­гін бірлесе атап өтуге ынталан­ды­рып қана қоймай, өз үлестерін қосуға мүмкіндік береді. Сүлеймен МӘМЕТ,