Бір ауылда 50 жылыжай

Азық-түлік қауіпсіздігі мен тұтынушыны арзан көкөніс түр­лерімен қамтамасыз ету мақ­сатында өткен жылдары аймақ­тарда жылыжай кешендері көптеп іске қосылғаны белгілі. Солардың қатарында Жамбыл ауданы, Қарақыстақ ауылында жұмысын бастаған «Жанай» шаруа қожалығы бес гектар жерге 50 жылыжай салған бо­ла­тын. Оған 150 млн. теңге инвестиция тартылып, көкөніс өсі­ру қарқынды жүргізілді. 12 жылыжайға қызанақ, 13-іне қияр отырғызылса, тек қы­за­нақтың бір түбінен бүгінгі күні 3 кило өнім жиналуда. Кешеннің өндірістік қуаты жы­лына 450 тонна көкөніс өсі­ру­ге жетеді. Қазіргі кезде әр жылы­жай­дан күн сайын 400 килоға жу­ық өнім жиналуда. Бұл аудан­дағы көкөніске деген сұранысты 80 пайызға қамтуға жетіп отыр. Қиярдың түсімі де жаман емес. Көкөніске деген тұтынушы сұранысы күн сайын артуда. Өйткені, халық қысқа дайындық жасап, сапалы көкөніс түрлеріне көптеп тапсырыс беруде. Сондай-ақ, жиналған өнім Алматы мен Ұзынағаш базарларында сауда­ла­нып келеді. – Жұмыссыз отырған қыз-ке­лін­шек осында еңбек етуде. Ауыл­дың жанында болған­дық­тан, бізге өте тиімді. Көріп тұр­сыздар ғой, экологиялық жағы­нан таза өнімге деген сұраныс жоғары. Қияр мен қызанақтың голландық сорттарын өсіруде­міз, – дейді Қарақыстақ ауылы­ның тұрғыны Сара Әбішова. Жылыжайда жаңадан өсіп келе жатқан көшеттердің жетілуіне де ерекше мән беріледі. Бабын тауып күтсе, күніне бір жылыжайдан жоспарланғаннан анағұрлым мол өнім алуға бо­латынын айтады баптаушылар. Күмісжан БАЙЖАН. Алматы облысы.