Қызметкерлер қызмет атқару тәсілдері, тексерулер жүргізу, сондай-ақ шет тілдерін оқу курстары бойынша тиісті дайындықтан өткен, олар Астана қалалық ІІД-нің қызметкерлеріне елорда аумағында құқықтық тәртіпті сақтау және жол қауіпсіздігін қамтамасыз етуге көмектесетін болады.
Ағымдағы жылғы 11 мамырда Ішкі істер министрінің орынбасары, полиция генерал-майоры Е.Тұрғымбаевтың қатысуымен жеке құрамның саптық байқауы өтті. Байқауда техникалар, ішкі істер органдары қызметкерлерінің сыртқы келбеті, экипировкалары да тексерілді.
Өңірден келген қосымша күштер жаңа киіммен, бейне-жетондармен, кеуде белгілерімен, ағылшын және басқа да тілдердегі сөздіктермен қамтамасыз етілді.
Астананның аумағына патрульдеу жүргізу үшін қосымша патрульдік автокөліктер, қажетті техникалық құралдар жеткізілді.
Жеке құрамға қызметтік этиканы бұлжытпай орындау және Астананың тұрғындары мен қонақтарына сыпайылық таныту, мұқият қарым-қатынаста болу, заңдылық пен тәртіпті бұзу фактілеріне жол бермеу мәселелері баса айтылды.
ІІМ орталық аппараты қызметкерлерінің тарапынан жеке құрамның қызметін күнделікті тексеру үшін комендаттық патрульдер құрылды.
