«Парламент сөзі» сыйлығына өтінім қабылдау басталды

Атаулы сыйлыққа Палата­ның заң шығарушылық қыз­меті жайында 2016 жыл­дың 1 қыр­күйегі мен 2017 жыл­дың 14 мау­сымы аралығында жарық көр­ген материалдар қабыл­данады. Ал жеңімпаздар алты аталым − Мәжі­лістің қызметі туралы үздік телевизиялық, мерзімдік баспасөз, ғаламтор мен радиоматериалдар, сонымен бірге, фото және бей­не-материалдар бойынша анық­талады. Сондай-ақ, Қазақ­стан парламенттік журна­листи­касының дамуы мен өркендеуіне үлес қосқандар да ескерілетін болады. 
Сыйлыққа үміткер канди­даттарды бұқаралық ақпарат құрал­дарының басшылары, шығар­машылық одақтар, қоғамдық бірлестіктер ұсынады. Сонымен қатар, бұл бәйгеге өзін өзі ұсыну ар­қы­лы жеке журналистер де қатыса алады. Өтінім бұқаралық ақпарат құралының, шығармашылық одақ­тың, қоғамдық бірлестіктің ресми бланкісіндегі, басшы немесе оны алмастыратын адам қол қойған хат, өзін өзі ұсынған жағдайда – сыйлыққа үміт­кердің өзі қол қойған хатымен қабылданады. 
Осыларға қосымша, сыйлық­тан үміткер туралы қысқаша ақпарат (лауазымы, байланыс телефондары, пошталық мекен­жайы, электрондық поштасы) көр­сетіледі. Жарияланған неме­се эфирге шыққан материал­дардың мәтіндері, аудио, бейне-фотоматериалдар, не ғаламторда шығарылған материалдар тиісті сілтемелерімен бірге ұсынылуы тиіс.
Өтінімдер 2017 жылдың 15 мау­сымына дейін Парламент Мәжі­лісінің сыйлығын беру жөнін­дегі комиссия жұмыс органына – Мә­жі­лістің баспасөз қызметіне – 000001, Астана қаласы, Мәңгілік Ел даңғылы, 4, Қазақстан Республикасы Парламенті Мәжілісіне немесе smimazh@parlam.kz электронды мекенжайына жолдануы қажет.
Баспасөз басылымдары мен ғаламтор-басылымдарда жария­ланбаған, сондай-ақ теле және радоэфирге шыға­рылмаған, Пар­ла­мент тақы­рыбына сай келмей­тін материалдар мен Комис­сия жұмыс органына құжат қа­был­дау мерзімінен өтіп кет­кен материалдар қарас­ты­рыл­май­ды. Комиссия сый­лық­қа номина­цияланатын жұ­мыс­тарды бағалау кезінде тақы­рыптың жазылып-көрсетілу терең­дігін, материалды беру­дегі кәсіби шеберлік пен объек­тивтілікті, оның көркемдік ерек­шеліктерін бағалайды. Ал сый­лық иелері Байланыс және ақ­па­рат қызметкерлерінің күні қарсаңында жарияланады. 
Айта кетейік, Парламент Мәжі­лісінің Төрағасы Нұрлан Нығматулин өткен сессияның соңында журналистерге арналған сыйлық белгілеу бойынша Мәжіліс бюросының шешімін жариялаған болатын. Биылғы жылы «Парламент сөзі» сыйлығы алғаш рет тапсырылғалы отыр.