Украиналық әріптесімен кездесті

Кеше ТМД елдері Сыртқы істер министрлері кеңесінің мәжілісі шеңберінде Тәжік­стан астанасы Душанбе қала­сында Қазақстан сыртқы саясат ведомствосының басшы­сы Ержан Қазыханов өзінің украиналық әріптесі Константин Грищенкомен келіс­сөз жүр­гізді, деп хабарлады Қазақ­стан Республикасы Сырт­қы істер министрлігінің баспасөз қызметі. Кездесуге қатысушылар Астана мен Киевтің екі жақты және көп жақты пішіндердегі ынты­мақ­тастығының кең ауқымды мә­селелерін талқылады және екі мемлекет басшыларының тиісті тапсырмаларының жүзеге асы­ры­луы жайын сөз етті. Қазақстандық және украи­на­лық дипломаттардың ЕҚЫҰ ая­сын­дағы өзара іс-қимылы әңгі­ме­нің маңызды тақырыбы болды. Аста­на­ның 2010 жылы ЕҚЫҰ-ға табысты төрағалығы мен қазақстандық та­раптың ЕҚЫҰ «Үштігі» үде­рістеріндегі жалғасып жатқан жұмысы шеңберінде тараптар Украинаның 2013 жылғы аталған Ұйымға жақындап келе жатқан төрағалығына орай тәжірибе алмасу және барынша тығыз өзара қарым-қатынас жасау жөнінде уағдаласты. К.Грищенко Украина Қазақ­станның Ислам Ынтымақтас­тығы Ұйымына төрағалығын қы­зығу­шылықпен бақылап отыр­ғанын және маңызды халық­аралық мис­сияларды табысты жүзеге асы­рады деп сенетінін жеткізді. Тараптар Таяу Шығыстағы және Солтүстік Африкадағы ағым­дағы жағдайды талқылап, Ливиядағы ахуалдың жедел тұ­рақтануының маңызы зор екеніне екпін түсірді. Сұхбаттастар соңғы жылдары екі ел арасындағы жедел дамып отырған сауда-экономикалық ын­ты­мақтастықтың оң үдерістерін атап көрсетіп, әлі де үлкен өсу әлеуеті бар екеніне тоқталды. Әсі­ресе, энергетика саласында және азық-түліктің әлемдік ры­ногындағы позицияларды үйлес­тіруде зор мүмкіндікке ие екендігі назарға алынды. Қазақстан мен Украина сырт­қы саясат ведомстволарының бас­шылары екі мемлекеттің Сырт­қы істер министрлері ара­сында тығыз консультациялар өткізуге уағдаласты. Әңгіме соңында К.Грищенко Е.Қазыхановты алдағы кезеңде Украинаға сапармен келуге шақырды.