Өткен аптаның соңында Қазақстан Республикасының Сыртқы істер министрі Ерлан Ыдырысов Ташкентке сапар жасап, оның аясында Өзбекстан Президенті Шавкат Мирзиеевтің қабылдауында болды және өзінің өзбекстандық әріптесі Абдулазиз Камиловпен келіссөз жүргізді, деп хабарлады Қазақстан Республикасы Сыртқы істер министрлігінің баспасөз қызметі.
Бұл Өзбекстандағы президенттік сайлаудан кейін осындай жоғары деңгейде болған алғашқы екіжақты қарым-қатынас еді. Кездесулердің негізгі тақырыбы – екіжақты қарым-қатынастарды белсенді ете түсу, Орталық Азия өңірінде тұрақтылық пен қауіпсіздікке қатер төндіретін іс-қимылдарға бірлесіп қарсы тұру болды. Бұл арада, әрине, Қазақстанның 2017-2018 жылдары БҰҰ Қауіпсіздік Кеңесіне мүшелігімен байланысты пайда болатын мүмкіндіктерді ұтымды іске қосу жайына да баса назар аударылды.
Президент Ш.Мирзиеевпен кездесуі кезінде қазақстандық министр Өзбекстан басшысын Қазақстан Президенті Нұрсұлтан Назарбаевтың атынан жақында болып өткен сайлаудағы талассыз жеңісімен құттықтады және Елбасының ыстық сәлемі мен ізгі ниет, тілектерін жеткізді.
Е.Ыдырысов, сондай-ақ, Қазақстан басшысының еліміздің БҰҰ Қауіпсіздік Кеңесіне тұрақты емес мүше болып сайлануы шеңберінде бірлесіп жұмыс істеу жөніндегі ұсыныстар жазылған жеке жолдауын тапсырды.
Ш.Мирзиеевтің сөзіне қарағанда, Ташкент Қазақстанның БҰҰ Қауіпсіздік Кеңесіне тұрақты емес мүше болып сайлануын бүкіл өңірдің табысы ретінде қарастырады, соған орай, өзбек тарапы Орталық Азия тақырыбын осы жаһандық-саяси органның күн тәртібіне ілгерілету үшін бірлесіп жұмыс істеуге дайын екенін білдіреді. Өзбекстан Президентінің айтуынша, қауіпсіздіктің өткір сын-қатерлері қатарында Ауғанстаннан туындайтын мәселелер де бар.
Өзбекстан Президенті ядролық қарусыздану мен таратпаудың жаһандық үдерістері мен Орталық Азияны ядролық қарудан азат аймақ деп жариялауда өңірдің барлық елдерінің қолдауымен және қатысуымен жүзеге асырылған бұл іске Нұрсұлтан Назарбаевтың үлкен үлес қосқанын атап көрсетті.
Өз кезегінде, Е.Ыдырысов Өзбекстан басшысы бастамашылық танытқан, елді әлеуметтік-экономикалық және саяси дамытуға бағытталған реформаларды жоғары бағалады. Өйткені, реформалар қарапайым адамдардың өмірлік қажеттіліктерін қамтамасыз етуді көздейді, сондай-ақ, «Халықпен және адам мүддесімен үнқатысу» бағдарламасында көрініс тапқан.
«Бауырлас елдегі бизнес ортаны түбегейлі жақсарту мен тікелей шетел инвестициялары үшін тартымды ахуал қалыптастыру жөніндегі қадамдар да назар аударарлықтай», – деп атап өтті қазақстандық дипломат.
Е.Ыдырысов соңғы кездері Астана мен Ташкенттің екі елдің экономикалық өзара іс-қимылын белсенді ете түсу үшін оңтайлы жағдай қалыптастыру жөніндегі нақты қадамдарын құптайтынын білдірді. Осы орайда, қазақ және өзбек кәсіпкерлері арасында сауда, өнеркәсіп және ауыл шаруашылығы өндірісі, логистика салаларындағы бірлескен жобаларды жүзеге асыруда тығыз байланыстар орнағаны да назардан тыс қалған жоқ.
Е.Ыдырысов, сондай-ақ, Ақорданың Өзбекстан Президентін мемлекеттік сапармен Астанаға шақыруын қуаттады. Ш.Мирзиеев шақыруға ризашылығын білдіріп, таяудағы ыңғайлы мерзімде бұл мүмкіндікті пайдалану ниеті бар екенін айтты және өзінің Қазақстанмен бауырластық қарым-қатынастарды нығайту бағытын ұстанатынын көлденең тартты.
Өзбекстан Сыртқы істер министрлігінде болған келіссөздер кезінде ынтымақтастықтың көптеген бағыттарында айтарлықтай жандану байқалатыны қанағат сезімімен атап өтілді. Өйткені, елдер арасында өзара құрмет, сенім мен түсіністік артқан сайын кез келген күрделі мәселелерді шешу соншалықты қиындық туғызбайды.
Тараптар, сондай-ақ, шекаралық және өңіраралық ынтымақтастық саласындағы бірлескен жобаларды жүзеге асырудың перспективаларын талқылады.
Екі ел сыртқы саясат ведомстволарының басшылары Астана мен Ташкенттің екіжақты қарым-қатынасындағы ілгерілеушіліктер бүкіл Орталық Азиядағы өңірлік ынтымақтастықты кешенді түрде жолға қою үшін берік негіз қалауы тиіс екенін атап өтті.
Е.Ыдырысов өзінің өзбекстандық әріптесіне Қазақстанның БҰҰ Қауіпсіздік Кеңесінің тұрақты емес мүшелігіне сайлану науқаны кезінде туысқандық қолдау көрсеткені үшін ризашылығын білдірді және осы жауапты лауазымда біздің дипломатиямыздың алдағы жұмысындағы негізгі басымдықтары туралы хабардар етті.
Астананың да Ташкент секілді Ауғанстанда ұзақ мерзімді тұрақтылық қалыптасуына мүдделі екені ерекше аталды. Осыған байланысты Астананың аталған елдің бейбіт өмір, әлеуметтік-экономикалық дамуы, ұлттық білім беру жүйесінің әлеуетін арттыру үшін инфрақұрылымдарды қалпына келтіруде әрі қарай да көмектесу ниеті бар екені көлденең тартылды.
Тұтастай алғанда, Ташкенттегі келіссөздер достық, іскерлік рәуіште өтіп, Орталық Азия өңіріндегі екі аса ірі мемлекет арасындағы әріптестік қарым-қатынастарды өзара құрмет тұрғысынан бекітуге мүмкіндік берді.
Өткен аптаның соңында Қазақстан Республикасының Сыртқы істер министрі Ерлан Ыдырысов Ташкентке сапар жасап, оның аясында Өзбекстан Президенті Шавкат Мирзиеевтің қабылдауында болды және өзінің өзбекстандық әріптесі Абдулазиз Камиловпен келіссөз жүргізді, деп хабарлады Қазақстан Республикасы Сыртқы істер министрлігінің баспасөз қызметі.
Бұл Өзбекстандағы президенттік сайлаудан кейін осындай жоғары деңгейде болған алғашқы екіжақты қарым-қатынас еді. Кездесулердің негізгі тақырыбы – екіжақты қарым-қатынастарды белсенді ете түсу, Орталық Азия өңірінде тұрақтылық пен қауіпсіздікке қатер төндіретін іс-қимылдарға бірлесіп қарсы тұру болды. Бұл арада, әрине, Қазақстанның 2017-2018 жылдары БҰҰ Қауіпсіздік Кеңесіне мүшелігімен байланысты пайда болатын мүмкіндіктерді ұтымды іске қосу жайына да баса назар аударылды.
Президент Ш.Мирзиеевпен кездесуі кезінде қазақстандық министр Өзбекстан басшысын Қазақстан Президенті Нұрсұлтан Назарбаевтың атынан жақында болып өткен сайлаудағы талассыз жеңісімен құттықтады және Елбасының ыстық сәлемі мен ізгі ниет, тілектерін жеткізді.
Е.Ыдырысов, сондай-ақ, Қазақстан басшысының еліміздің БҰҰ Қауіпсіздік Кеңесіне тұрақты емес мүше болып сайлануы шеңберінде бірлесіп жұмыс істеу жөніндегі ұсыныстар жазылған жеке жолдауын тапсырды.
Ш.Мирзиеевтің сөзіне қарағанда, Ташкент Қазақстанның БҰҰ Қауіпсіздік Кеңесіне тұрақты емес мүше болып сайлануын бүкіл өңірдің табысы ретінде қарастырады, соған орай, өзбек тарапы Орталық Азия тақырыбын осы жаһандық-саяси органның күн тәртібіне ілгерілету үшін бірлесіп жұмыс істеуге дайын екенін білдіреді. Өзбекстан Президентінің айтуынша, қауіпсіздіктің өткір сын-қатерлері қатарында Ауғанстаннан туындайтын мәселелер де бар.
Өзбекстан Президенті ядролық қарусыздану мен таратпаудың жаһандық үдерістері мен Орталық Азияны ядролық қарудан азат аймақ деп жариялауда өңірдің барлық елдерінің қолдауымен және қатысуымен жүзеге асырылған бұл іске Нұрсұлтан Назарбаевтың үлкен үлес қосқанын атап көрсетті.
Өз кезегінде, Е.Ыдырысов Өзбекстан басшысы бастамашылық танытқан, елді әлеуметтік-экономикалық және саяси дамытуға бағытталған реформаларды жоғары бағалады. Өйткені, реформалар қарапайым адамдардың өмірлік қажеттіліктерін қамтамасыз етуді көздейді, сондай-ақ, «Халықпен және адам мүддесімен үнқатысу» бағдарламасында көрініс тапқан.
«Бауырлас елдегі бизнес ортаны түбегейлі жақсарту мен тікелей шетел инвестициялары үшін тартымды ахуал қалыптастыру жөніндегі қадамдар да назар аударарлықтай», – деп атап өтті қазақстандық дипломат.
Е.Ыдырысов соңғы кездері Астана мен Ташкенттің екі елдің экономикалық өзара іс-қимылын белсенді ете түсу үшін оңтайлы жағдай қалыптастыру жөніндегі нақты қадамдарын құптайтынын білдірді. Осы орайда, қазақ және өзбек кәсіпкерлері арасында сауда, өнеркәсіп және ауыл шаруашылығы өндірісі, логистика салаларындағы бірлескен жобаларды жүзеге асыруда тығыз байланыстар орнағаны да назардан тыс қалған жоқ.
Е.Ыдырысов, сондай-ақ, Ақорданың Өзбекстан Президентін мемлекеттік сапармен Астанаға шақыруын қуаттады. Ш.Мирзиеев шақыруға ризашылығын білдіріп, таяудағы ыңғайлы мерзімде бұл мүмкіндікті пайдалану ниеті бар екенін айтты және өзінің Қазақстанмен бауырластық қарым-қатынастарды нығайту бағытын ұстанатынын көлденең тартты.
Өзбекстан Сыртқы істер министрлігінде болған келіссөздер кезінде ынтымақтастықтың көптеген бағыттарында айтарлықтай жандану байқалатыны қанағат сезімімен атап өтілді. Өйткені, елдер арасында өзара құрмет, сенім мен түсіністік артқан сайын кез келген күрделі мәселелерді шешу соншалықты қиындық туғызбайды.
Тараптар, сондай-ақ, шекаралық және өңіраралық ынтымақтастық саласындағы бірлескен жобаларды жүзеге асырудың перспективаларын талқылады.
Екі ел сыртқы саясат ведомстволарының басшылары Астана мен Ташкенттің екіжақты қарым-қатынасындағы ілгерілеушіліктер бүкіл Орталық Азиядағы өңірлік ынтымақтастықты кешенді түрде жолға қою үшін берік негіз қалауы тиіс екенін атап өтті.
Е.Ыдырысов өзінің өзбекстандық әріптесіне Қазақстанның БҰҰ Қауіпсіздік Кеңесінің тұрақты емес мүшелігіне сайлану науқаны кезінде туысқандық қолдау көрсеткені үшін ризашылығын білдірді және осы жауапты лауазымда біздің дипломатиямыздың алдағы жұмысындағы негізгі басымдықтары туралы хабардар етті.
Астананың да Ташкент секілді Ауғанстанда ұзақ мерзімді тұрақтылық қалыптасуына мүдделі екені ерекше аталды. Осыған байланысты Астананың аталған елдің бейбіт өмір, әлеуметтік-экономикалық дамуы, ұлттық білім беру жүйесінің әлеуетін арттыру үшін инфрақұрылымдарды қалпына келтіруде әрі қарай да көмектесу ниеті бар екені көлденең тартылды.
Тұтастай алғанда, Ташкенттегі келіссөздер достық, іскерлік рәуіште өтіп, Орталық Азия өңіріндегі екі аса ірі мемлекет арасындағы әріптестік қарым-қатынастарды өзара құрмет тұрғысынан бекітуге мүмкіндік берді.
Соңғы жаңалықтар
Жаңа тариф жергілікті халыққа тиімді
Табиғат • Кеше
Қарағанды облысында алты жасар бала өзенге батып кеткен
Төтенше жағдай • Кеше
Анасы түрмедегі ұлына телефон кіргізбек болған
Қоғам • Кеше
Роза Рымбаева жаңа атаққа ие болды
Мәдениет • Кеше
