Шымкентте 200-ден астам пәтер пайдалануға берілді

Бүгін Шымкент қаласында 216 пәтерлі 9 қабатты екі тұрғын үй пайдалануға берілді, деп хабарлайды ОҚО әкімінің баспасөз қызметі. «Көптен күткен қуанышқа қол жеткізген жас отбасылар енді жаңа жылды жаңа қоныста қарсы алмақ. Бүгінде елімізде жастардың білім алуына түрлі жағдайлар жасалып, жұмыспен және тұрғын үймен қамтылу үшін кешенді бағдарламалар жүзеге асуда. Бұл өз кезегінде Елбасының жастарға жасаған қамқорлығының бір парасы ғана», - деді  облыс әкімі Ж.Түймебаев. Әлеуметтік нысан «Нұрлы жол» мемлекеттік бағдарламасы аясында салынып, пәтерлер «Тұрғын үй құрылыс жинақ  банкі» жас отбасы санатына жататын отбасыларға сатып алу құқығымен жалға беру арқылы жүзеге асырылуда. Айта кетейік, аталған бағдарлама аясында 2014 жылы 84 отбасы, 2015 жылы 270 жас отбасы баспанамен қамтылған.