Үшқоңырдағы кездесу

Алатаудың баурайындағы Үшқоңыр ауылында орналасқан «Шапағат» өлкетану мұражайы өңір мәдениетінің бір ошағы болып саналады. Мұражайда Қарасай батыр атындағы орта мектеп басшылығының ұйытқы болуымен танымал тұлғалармен, ақын-жазушылармен келелі кездесулер өткізу дәстүрге айнал­ған. Нақтылай түссек, жас ұр­пақтың Ұлы далаға деген пер­зент­тік сүйіспеншілігін арт­ты­рып, өз елін мақтан тұту мақ­­­са­тында белгілі ақын, ­Ха­­­­­лық­­аралық «Алаш» және Мұ­­­­қағали атындағы әдеби сый­­­лық­­­тарының лауреаты Ора­за­қын Асқар бас­таған Ұлт­тық кі­­та­п­хана қызмет­кер­ле­рі­мен ке­­з­ек­ті кездесу өткен еді. Оған Үш­­қоңыр ауылы­ орталық кі­тап­ха­­на­сының қыз­меткерлері жә­не Үш­қ­оңыр ауы­лындағы орта мек­теп­тердің ұстаздары қатысты. Қазақ­стан Республикасының Ұлт­тық кі­тап­­ханасы тарапынан ­мек­­­­теп оқу­шы­ларына көрме ­ұйым­­­­­дас­ты­рылып, мектеп мұра­­жайы мен кітапханасына 120 кітап сыйға тартылды. «Шапағат» тарихи-өлкетану мұ­ражайында 2 500-ден аса құн­­­дылық бар. Қосымша қор­ға жа­татын фотосуреттер, сыз­­балар, іс-тәжірибелерді баян­­дай­тын хат­тамалар ре­ті­мен орна­ластырылған. Мұ­ра­жай қорлары кітапшаға тізім­дел­ген. Мұражай өз қызметін Ел­басы­тану қыз­ме­тімен, өлке­та­ну жұмыс­тарымен және Елба­сы­ның бала­лық шағы және қыз­метімен ұштастырып жүр­гі­зеді. Мұражай заттары әр бө­лім­нің тақырыбына сай эсте­тикалық талғаммен безен­дірі­л- ­ген, – дейді осы мұра­жайда экс­курсия жүргізуші Рымкеш Байқонысова. Нұрбол ӘЛДІБАЕВ, «Егемен Қазақстан» Алматы облысы, Қарасай ауданы