Экономика инновацияларға арқа сүйеуі қажет

Қарағандылықтар Ел­ба­сы­ның «Қазақстан­ның Үшінші жаңғыруы: жаһан­дық бәсекеге қабілет­тілік» тақырыбындағы Жол­дауын облыс әкімінің ак­тивінде талқылады. Өңір басшысы Нұр­мұхамбет Әбдібеков бірін­ші кезекте Жолдау міндет­терін орындауда Қара­ған­ды облысының рөлі мен әлеуетіне тоқталды. Сондай-ақ, ол Қазақстанның Үшінші жаңғыруына көмірлі аймақ бірқатар жетістіктерімен келгенін атап өтті. Аймақ басшысының сөзі­не қарағанда, жыл қо­ры­тын­­­дысы бойынша ай­мақ­­тық жалпы өнімнің артуы 1,3% деңгейінде. Ауыл шаруа­шылығының жал­­­пы өнім шығару көле­мі жыл қоры­тындысы бо­­йы­н­­ша 108,6% дең­ге­йін­­де қам­тамасыз етіл­ген. Ша­ғын және орта биз­нес шаруашылық субъек­­ті­лерінің саны 7%-ға артып отыр. Негізгі капи­тал­ға 315,4 млрд теңге ин­вес­тиция салынып, 2 809 пәтер пайдалануға беріл­ген. Жұмыссыздық дең­гейі 4,9% құраған. 2016 жылы Индустрияландыру карта­сының жалпы құны 100 млрд теңгені құрайтын 10 жоба­сы іске асырылған. Мың­ға жуық жұмыс орны ашылған. ҚарМТУ ректоры, тех­­ни­ка ғылымдарының док­­торы Марат Ибатов ғалым­дар қауымдастығы Мем­ле­кет басшысы ұсынған Қазақ­стан экономикасын жаңғырту­дың үдемелі те­х­но­логиясын толық қол­дайтынын және ин­дус­т­рияны дамытуға ғы­лым­­ның инновациялық үлесін арттыруға, қажетті ма­ман­дарды дайындау бойын­ша міндеттемені сапалы орын­дауға ерекше жауап­кершілік сезініп отырғанын айтты. Жиналыста Жезқаз­ған қалалық мәслихаты­ның депутаты, білім беру са­ла­­сының меценаты, об­лыс­тық Қазақстан халқы Ассам­блеясының Жезқаз­ған қаласындағы қоғам­дық кеңесінің төр­ағасы Бек­зат Алтынбеков, «Қазақ­мыс корпорациясы» ЖШС Нұр­­қазған кен байыту фаб­рикасының директоры Мұрат Бөрібаев, «Гип­пократ» ЖШС директоры На­дежда Хохлова, «Кәсіп­кер­­лікті қолдау және да­мыту қоры» корпоративті қоры­ның директоры міндетін атқарушы Сайран Сыздықов және Шет ауданы «Ақатан» ШҚ басшысы Біржан Иманов сөз алды. Мәселен, Біржан Иманов өз кезегінде бұл Жолдау ауыл еңбеккерлеріне үлкен рух бергенін, мемлекет қолдауының арқасында өз шаруашылығына Ресей­ден 200 бас ірі қара сатып алын­ғанын, ауданда 28 үй шаруа­шылығы бірігіп, «Алға» кооперативін құрға­нын, ауыл шаруашылы­ғын­дағы субсидияларды бөлу жағдайларын қайта қарау, несиелік жеңілдіктер, өзге де маңызды шаралар шын мәнінде өз тиімділігін көр­сетіп отырғанын жеткізді. Кездесуді қорытын­ды­лаған Н.Әбдібеков об­лыс­тың әрбір тұрғынына осы құжаттың мәнін түсін­діру керек­тігін, мұнда еліміз­дің алдағы уақыттағы әрі қарай­ғы іс-әрекетінің барлық бағ­дар­ламасы көрсетілгенін, осы орай­да қарағандылықтар да Ел­басы Жолдауында бел­гі­­­лен­­ген міндеттерді сәтті орын­­­дау үшін бар күшін сала­ты­­­ны­­на сенім білдіретінін айтты. Сондай-ақ, облыс бас­шысы жаңа нарыққа шығу, сапасы жоғары өнімдер өндіру, оның ішінде, көмірді терең өңдеу бойынша тех­но­логиялар мен көмір хи­мия­сы өндірістерін құру қа­жеттігіне назар аударды. Жиын соңында Н.Әбдібеков басқармаларға, қалалар мен аудандар әкімдеріне нақты тапсырмалар берді. Мирас АСАН, «Егемен Қазақстан» ҚАРАҒАНДЫ