Жер қойнауын тиімді пайдалану қажет

Мемлекет басшысы Нұрсұлтан Назарбаев «Қазақстанның Үшін­ші жаңғыруы: жаһандық бә­се­кеге қабілеттілік» атты Қазақ­­стан халқына Жолдауында «Жер қойнауы және жер қой­науын пай­далану туралы» жаңа ко­декс­­тің қабылдануын қамта­ма­сыз етуді тапсырған болатын. Таяу­да Астанада құжат жобасын тал­қылау жөніндегі қоғамдық тың­дау өтті. Шараға құзырлы ми­нистр­­лік­тердің, қоғамдық ұйым­­дард­ың, жер қойнауын пайда­лану­шы­лардың өкілдері қатысты. Қоғамдық тыңдау барысында Инвес­тициялар және даму министр­лігі Жер қойнауын пайдалану депар­таментінің директоры Руслан Бай­мишев құжат жобасының қатты пайдалы қазбалар бөліміне қатысты, оның орынбасары Сәкен Шәкіров көмірсутекті шикізат бөліміне қатысты негізгі ережелер туралы айтып берді. «Елбасының «100 нақты қадам» Ұлт жоспарының 74-75 қадамында көрсетілгендей, біз халықаралық кең таралған стандарттарға көшуіміз керек. Ол – барлық қорлар, қатты пайдалы қазбалар, көмірсутегі сынды байлықтың барлығын жаңа халықаралық стандартпен есептеу. Жаңа кодекс қолданысқа енсе, салаға бағытталатын инвестиция қатары артады деп ойлаймыз», дейді Геология және жер қойнауын пайдалану коми­тетінің төрағасы Базарбай Нұрабаев. Мамандар пікірінше, инвесторлар бұрын лицензия алу үшін екі-үш жылын сарп ететін. Ал, кодекске өзгеріс­тер енсе, бұл құжат 2-3 күнде дайын бол­­мақ. Статистикалық мәліметтерге сүйенсек, дүние жүзінде жыл сайын бар­­лау жұмысына 11 млрд доллар бөліне­­ді. Оның 18 пайызы Канаданың, 12 па­­йызы Австралияның үлесінде, ал Қа­зақ­­станға тек 1 пайызға жуығы ғана тиес­ілі екен. Геологиялық барлау жұмыс­тарын белсенді жүргізу оны игеруге ниетті инвесторларға бөгет болмауы керек. Асхат РАЙҚҰЛ, «Егемен Қазақстан»