Бұлбұл әнші бейнесі

Күләш Байсейітоваға ескерткіш қойылды Қазақ операсының бұлбұлы, классикалық ән өнерінің жарық жұлдызы Күләш Байсейітоваға Алматы қаласындағы өз атындағы музыка мектеп-интернатының алдына ескерткіш қойылды. Ел тәуелсіздігінің жиырма жылдығына, К.Байсейітованың 100 жылдығына орайластырылған шараға өнер қайраткерлері мен ресми қонақтар қатысты. Мүсінші Тілеуберді Бинашев сом­даған Күләш ескерткіші өмірін өнерге арнаған қазақ әйелінің кейпін әдемі жет­кізіп тұр. Тағдыры күрделі әншінің көрген марапаты мен тартқан ауырт­па­лы­ғының ізі де жоқ. Тек қазақтың мақ­та­нышы, дала әуезін әлемдік клас­си­каға қоса білген қайраткер ғана жас талант иелерін рухтандырып тұрғандай. Ескерткішті К.Байсейітова атын­да­ғы мектеп-интернаттың директоры О.Абдуллаев пен қала әкімі А.Есімов салтанатты түрде ашып, гүл шоқтарын қойды. Жиылған көпшілік алдында КСРО халық әртісі, КСРО Мемлекеттік сыйлығының лауреаты, Еңбек Ері Б.Төлегенова, Мәдениет вице-министрі А.Бөрібаев, бұлбұл әншінің туыстары Қ.Қана­бек­қызы, Қазақстанның халық әртісі Б.Жаманбаев, сон­дай-ақ әншінің замандастары сөз сөй­леп, естеліктер айтты. Аталмыш мек­тептің симфо­ниялық оркестрінің сүйемелдеуімен опера әншісі Б.Еңкебаева кешегі Күләш апасы салған әндерді құйқылжыта орындады. Кеш соңында мектеп-интернаттың директоры О.Абдуллаев ескерткіштің тұрғызылуына қолдау көрсеткен «№1 құрылыс компаниясының» бас ди­ректоры С.Ұстабековке, «Құбыла» құ­рылыс компаниясының президенті Ө.Қадыровқа және ескерткіш авторы, мүсінші Т.Бинашевке алғыс айтты. Қанат ЕСКЕНДІР. Алматы. ------------------------------------------ Суреттерді түсірген Берсінбек СӘРСЕНОВ.