Құнды құжаттар сөйлейді

«Тәуелсіздік Туы астында». Кеше Сыртқы істер министрлігінде Тәуелсіздіктің 25 жылдық мерейтойына орай ашылған тарихи-деректі көрме осылай деп аталады. Оның өтуіне сыртқы саясат ведомствосы мен Қазақстан Республикасы Президентінің Мұрағаты ұйытқы болды. Іс-шараның ашылуынан кейін БАҚ өкілдеріне арналған бри­фингте Сыртқы істер министрінің орынбасары Роман Василенко ширек ғасыр ішінде Қазақстанның мемлекет ретіндегі қалыптасу кезеңдерін, қол жеткізген жетістік­терін айқындайтын құнды құжаттар мен фотосуреттер қойылған көр­менің маңызын атап өтті. Сон­дай-ақ, ол: «Бұл ретте, мен ең алды­мен, Қазақстан Республикасы Президенті Мұрағатының дирек­торы Борис Жапаровқа, мұрағат қыз­меткерлеріне осындай игі шараны өткізу үшін үлкен ниеттес­тік танытқаны, жұрт назарына ұсы­нылған құжаттар төңірегінде үлкен зерттеу жұмыс­тарын жүргізгені үшін ризашы­лығымды білдіргім келеді», – деді. Борис Жапаров Тәуелсіздік жылдары мемлекет алдына үлкен міндеттер қойылғанын, ол міндеттерді шешу, экономиканы тұрақтандыру, алға қарай дамыту нақты демократия мен нарықтық қатынастарға негізделуімен ерекше­ленгенін жеткізді. «Қазақстан өз Тәуелсіздігін жариялаған күннен бастап, халықаралық ұйымдарға өз еркімен мүше болу мүмкіндігін алды. 1992 жылдың 30 қаңтарында Еуропадағы Қауіпсіздік және ынты­мақтастық ұйымына мүше­лікке өтті. Ал 1992 жылдың 2 науры­зында еліміз БҰҰ-ның толық­қанды мүшесі болды. 1993 жыл­дың қазан айында Қазақстан Эко­но­микалық ынтымақтастық ұйы­мына, 1994 жылдың 24 мамырын­да арнайы құжатқа қол қоя оты­рып, НАТО-ның «Бейбітшілік жөніндегі әріптестігі» ұйымының 19-шы мүшесі болды. Жалпы, XX ғасырдың соңындағы тарихи кезеңде Қазақстан адамзаттың, жалпы дүниенің қасіретіне ай­нал­ған Семей ядролық сынақ алаң­дарын жабу, Кеңес Одағының ен­ші­сінен өткен ядролық қарулар мен оның жеткізу құралдарынан өз еркімен бас тарту арқылы әлемге бейбітсүйгіш мемлекет ретінде танылды», – деді Борис Жапаров. Сонымен қатар, ол еліміздің дербес мемлекет ретінде қалыптасуы мен халықаралық қауымдастықта жеткен жетістерінің тарихы Қазақ­стан Республикасы Президенті Мұра­ғатының қор­ларында сақтал­ған құжаттарда толықтай көр­сетіл­генін айтты. «Онда ресми-хро­­никалық құжаттармен қатар, саяси және қоғамдық ұйымдардың материалдары, Тәуелсіздік кезеңі­нің мерзімді басылымдары да бар. Сіздердің назарларыңызға «Тәуел­сіздік Туы астында» деген тақырыппен ұсынылып отыр­ған көрмеде Тәуелсіздік алған жылдар­дан бастау алатын мемлекет­тілік­тің қалыптасу тарихын толық ашып көрсететін құжаттар орналас­тырыл­ды», – деді ол өз сөзінде. Ал Парламент Мәжілісінің депу­таты Мұхтар Ерман: «Бұл – біре­гей құжаттардың көрмесі. Әр құжат­тың орны бөлек. Себебі, олардың әрқайсысының артында еліміз бен қоғамымыздың дамуы, өсуі, қазақ дипломатиясының сырт­қы әлемдегі орны мен рөлі тұр. Ен­деше, мұндай құнды дүниелердің жұрт­шылыққа берер тағылымы да орасан болады деп ойлаймын», – деді. Көрме 5 бөліктен тұрады. Олар­да Қазақстанның Мемлекеттік нышан­дары, Қазақстанның Тұңғыш Прези­денті, ел Парламенті, Үкі­меті, Ұлттық валютаның айна­лым­ға енуі, Қазақстан халқы Ассам­б­­леясының, сыртқы саяси ведом­ствоның құрылуы, дипло­ма­тия­лық байланыстардың ор­науы, Қазақстанның БҰҰ-ға қабыл­­дануы, сондай-ақ, еліміздің шет мем­ле­кеттермен саяси-экономи­калық байланыс орнатуы туралы құнды материалдар, Қазақстан Прези­дентінің түрлі шетелдік әріптес­терімен сұхбаттары және халық­аралық жиындарда жасаған баян­дамалары, Президент Жарлықтары, шет мемлекет басшыларының елі­міз­ді Тәуелсіз мемлекет ретінде тануы туралы хаттары қойылған. Ләйла ЕДІЛҚЫЗЫ, «Егемен Қазақстан» Суретті түсірген Орынбай БАЛМҰРАТ, «Егемен Қазақстан»