Өзбекстанда ажырасуға тыйым салынады

Бұл бастама Ташкент әкімі Рахманбек Османовтың баяндамасынан кейін қолға алынды. Ол 13 қазан күні жасаған мәлімдемесінде: «Ташкент басшыларының ең басты мақсаты – бұл ажырасуларды азайту» деген болатын. Бұл туралы ihsan.kz хабарлады. «Жұбайлар ажырасуға өтініш бергеннен кейін тиісті өтемақыларын төлейді. Одан кейін махалла комитеті мен әйелдер комитетінің өкілдері олармен жұмыс істейді. Араларында балалары болған жағдайда, алдымен жарты жыл беріледі. Содан соң тағы да соңғы әрі нақты шешім қабылдау үшін 3 ай беріледі. Бірақ, сот шешімінің қашан қабылданатыны айтылмайды» делінген. Сонымен қатар, Ташкент басшылар осы мақсатта телеэфирден ажырасқандардың аты-жөнін атап отыруды жөн көріпті. Ал егер бұдан да қажетті нәтиже шықпаса олардың суреттерімен бірге көрсететіндіктерін мәлімдеді.