Бокстан ел құрамасы жасақталды

Бүгін Павлодарда бокстан Қазақстан ұлттық құрамасының бас жаттықтырушысы Мырзағали Айтжанов 2017 жылдың 1 қаңтарынан жасақталатын команданың жаңа құрамын жария етті, деп хабарлады sports.kz. Құрамаға бокстан ел біріншілігінің жеңімпаздары мен жүлдегерлері кіреді. Сонымен қатар, оған құрлықаралық және әлем чемпионаттарында көзге түскен спортшылар алынады. 49, 52, 60 салмақ дәрежесінде құрамаға үш спортшы, ал қалғандарына төртеуден кіреді. Жартылай ауыр салмақта бәсеке қатты, құрамаға осы салмақта 81 келіге дейін 5 боксшы алынады. Алғашқы оқу-жаттығу жиындары келер жылдың 5-26 қаңтарында Алматы облысында Дүнииежүзілік бокс академиясында өтеді. 2017 жылдың 1 қаңтарынан бастап бокстан ҚР ҚҰҚ құрамы 49 кг: Теміртас Жүсіпов; Ержан Жомарт; Шалқар Айқынбай 52 кг: Азамат Исақұлов; Әнуар Музапаров; Азат Махметов 56 кг: Қайрат Ералиев; Нұрбол Қалжанов; Ильяс Сүлейменов; Жанболат Қыдырбаев 60 кг: Закир Сафиуллин; Әділет Құрметов; Серік Теміржанов 64 кг: Бекдәулет Ибрагимов; Қуан Қуатов; Ділмұрат Мижитов; Аян Қалибеков 69 кг: Данияр Елеусінов; Абылайхан Жүсіпов; Илья Очкин; Садриддин Ахмедов 75 кг: Әбілхан Аманқұл; Тұрсынбай Құлахмет; Ерік Әлжанов; Бек Нұрмағанбет 81 кг: Әділбек Ниязымбетов; Жәнібек Әлімханұлы; Нұрдәулет Жарманов; Бекзат Нұрдәулетов; Шаймұрат Құсайынов 91 кг: Василий Левит; Антон Пинчук; Арбек Әбдуғаниев; Серик Мұсаділов +91 кг: Иван Дычко; Қамшыбек Құңқабаев; Нұрлан Сапарбай; Олжас Боқаев.