Талшықты желі іске қосылды

Кеше Астанада Байланыс және ақпарат министрі Асқар Жұмағалиев пен «Қазақстан темір жолы» ҰК» АҚ президенті Асқар Мамин 4 мың шақырымдық жаңа оптикалық тал­шық­ты байланыс желісін іске қосты. Ол транзиттік және республика ішілік темір жол тасымалын сенімді ақпаратпен қамтиды және темір жолдың бәсекелестік әлеуетін жоғарылатуға қызмет етеді. Оптикалық талшықты байла­ныс желісі республика темір жо­лы­ның Астана–Павлодар – Се­мей–Ақтоғай, Шу–Арыс (Са­ры­ағаш арқылы Өзбекстан шека­ра­сына шығу) – Қызылорда–Қан­дыағаш; Көк–Жаңаесіл (Пресногорков стансасына шығу) – Қос­танай өңірлері арқылы страте­гия­лық желілерін басып өтеді. Бар­лығы төрт мың шақырымға жуықтайды. – Мемлекет басшысы біздің алдымызға 2015 жылға дейін жер­гілікті телефон байланысын 100 пайыздық көлемде сандық формат жүйесіне қосуды және әрбір қа­зақстандықты интернетпен қам­ту­ды тапсырған болатын, – деп атап өтті салтанатты шарада Бай­ланыс және ақпарат министрі Асқар Жұмағалиев. – Алғашқы сандық желіні іске қосу осы мақ­саттың бастапқы қадамы. Атал­мыш магистралдық желіні іске қосу темір жол бойындағы елді мекендерді соңғы үлгідегі бай­ла­ныс жүйесімен қамту ар­қы­лы еліміздің телекоммуника­ция­лық рыногын байыта түседі. Байланыс желісінің құрылы­сын ҚТЖ еншілес кәсіпорны – «Транстелеком» АҚ 2010 жыл­дың алғашқы жартысында бас­таған болатын. 2011 жылдың тамыз айында құрылыс жұмысы аяқталып, жалпы ұзындығы 3951 шақырымдық желі пайдалануға берілді. Құрылыс жұмыстары «Қазақстан темір жолы» ҰК» АҚ мен «Жолаушылар тасымалы» АҚ кепілдігімен Еуропа Қай­та құру және даму банкінің несиелік заемымен қаржы­лан­ды­рыл­ған. Жобаның жұмысына «Alca­tel-Lucent» компаниясы мердігерлік етіпті. Жоба темір жол көлігін сенімді жоғары технологиялық байла­ныс­пен қамтудан туған болса, магистральдық кабель желісі темір жол стансалары мен жол айырықтарын да қамтып, телімдермен іргелес орналастырылған. «Қазақстан темір жолы» ҰК» АҚ пен «Транстелеком» АҚ стан­са­ларға жақын орналасқан кәсіп­орындар мен мекемелерді қамту мақсатында магистральдық желіден арнайы тармақтарын шы­ға­рып қосқан. Бұл желі соңғы үлгідегі арналармен жіберілетін құрылғылармен жабдықталды. Жаңа желі арқылы «Қазақстан темір жолы» ҰК» АҚ пен оның еншілес кәсіпорындары күрделі ақпараттық ағындарды да ав­томаттандырылған жүйемен қамти алмақ. Жаңа талшықты желі халық­ара­лық және қалааралық байла­ныс операторларын, сондай-ақ елі­міздің телекоммуникациялық ры­но­гында тапсырыс берушілерді сенімді де жоғары сапалы бай­ланыс жүйесімен қамтитын болады. Әбдірахман ҚЫДЫРБЕК. Суретті түсірген Мұхтар ХАЛДАРБЕКОВ.