Санитарлық қадағалауға ерекше назар аударылды

Таяуда Астрахань қаласында (Ресей Федерациясы) санитария­лық-эпидемиологиялық сипаттағы төтенше жағдай­лар­ға ден қою мәселелері бойынша Қазақстан мен Ресейдің са­нитариялық-эпидемиологиялық қызметтерінің дөңгелек үстел мә­жілісі болып өтті, деп хабарлады Қазақстан Республикасы Денсаулық сақтау ми­нистрлігінің баспасөз қызметі. Жиында ҚР ДСМ Мемлекеттік санитариялық-эпидемиологиялық қадағалау комитетінің төрағасы, ҚР Бас мемлекеттік санитарлық дә­рі­гері Ж.Бекшин мен РФ Тұтыну­шы­лардың құ­­қық­та­рын және адам­ның саламат­ты­лы­ғын қорғау сала­сын қадағалау жө­ніндегі феде­рал­дық қызметінің бас­шысы, РФ Бас мемлекеттік са­нитарлық дәрігері Г.Онищенко сөз сөйледі. Дөңгелек үстел жұмысына Қазақстан мен Ресейдің шекаралас өңірлерінің мемлекеттік сани­та­рия­лық-эпи­де­миологиялық қада­ға­лау органдары, обаға қарсы күрес қызметтері және ғылыми орталық­тарының жетекшілері қатысты. Тараптар инфекциялық ауру­лар­дың пайда болуының, әкелінуінің және таралуының алдын алу бой­ынша шекарааралық ынтымақ­тас­тық мәселелерін талқылады. Тал­қылау барысында санитариялық-эпидемиологиялық саламаттылық, әсіресе, шекарааралық сипаттағы қауіптің алдын алу мен таратпау бойынша бірлескен шаралар ұсы­нылды. Тараптардың ұсыныстары ха­лықтың санитариялық-эпиде­ми­о­­логиялық саламаттылығын қамта­ма­сыз ету бойынша одан әрі бірлескен іс-қимылдар жоспарын әзір­леу үшін негіз болады. Қазақстан мен Ресейдің сани­тариялық-эпидемиологиялық қыз­меттерінің басшылары Қазақстан-Ресей ынтымақтастығының тиімділігін, ұтымдылығын, тұрақты­лы­ғын және нәтижелілігін атап көр­сетті. Қорытындысында тараптар Қазақстанның Мемлекеттік сани­тар­иялық-эпидемиологиялық қада­ғалау комитеті мен Ресей Тұты­ну­шыларын қадағалау қызметі ара­сында инфекциялық ауруларға қарсы күрес саласындағы ынты­мақ­тастық туралы меморандумға қол қойды. «Егемен-ақпарат».